काठमाडौं १३ असोज,
प्रधानमन्त्री एवं नेपाली कांग्रेसका सभापति शेरबहादुर देउवाले सङ्घीय संसद्को गतिरोध अन्त्यका लागि सर्वदलीय बैठक आव्हान गर्नुभएको छ । बिहीबार बिहान १० बजे प्रधानमन्त्री निवास बालुवाटरमा संसदमा प्रतिनिधित्व गर्ने दलका शीर्ष नेताको बैठक बोलाउनुभएको हो ।
बैठकमा मुलत संसद् सञ्चालनमा देखिएको गतिरोध हटाई बैठक सञ्चालन गर्ने तथा समसामयिक राजनीतिलगायत विषयमा छलफल गर्ने तयारी रहेको जानकारी दिदै प्रमको सचिवालयले कांग्रेस, एमाले, नेकपा माओवादी केन्द्र , नेकपा एकीकृत समाजवादी , जनता समाजवादी पार्टी नेपाल, लोकतान्त्रिक समाजवादी पार्टी नेपाल, राष्ट्रिय प्रजातन्त्र पार्टी, राष्ट्रिय जनमोर्चा, नेपाल मजदुर किसान पार्टीका शीर्ष नेतालाई आमन्त्रण गरिएको जानकारी दिएको छ ।
