काठमाडौ भाद्र २८,
नेपाली काँग्रेसको आसन्न् १४ औं महाधिवेशनमार्फत चयन हुने केन्द्रीय पदाधिकारीमा अब कोषाध्यक्षबाहेक अन्य सबै पदमा निर्वाचनबाटै पदाधिकारी निर्वाचित हुने भएका छन् । यसरी निर्वाचित हुने पदाधिकारीमा एक जना सभापति, दुई जना उपसभापति, दुई जना महामन्त्री र ८ जना सहमहामन्त्री रहने पछिल्लो व्यवस्था कायम भएको छ।
यसहघि काँग्रेसको विधानमा उपसभापति, १ जना महामन्त्री, सह महामन्त्रीलगायतको पदमा सभापतिले मनोनीत गर्ने गरिएकोमा यसपटक देखि कोषाध्यक्षबाहेक सबै पदाधिकारी महाधिवेशन प्रतिनिधिबाटै निर्वाचित भएर आउने विधानमा उल्लेख गरिएको हो ।
त्यस्तै ८ जना सहमहामन्त्रीमा महिला, आदिवासी र जनजाति, दलित, मधेसी, खसआर्य, थारू, मुस्लिम र पिछडिएको क्षेत्रबाट एक र एक जना रहने छ । स्मरण रहोस, प्रस्तुत प्रावधान कार्यान्वयनमा आएसंगै काँग्रेसको पदाधिकारीको सङ्ख्या १४ पुगेको छ । यसअघि निर्वाचित र मनोनीत गरेर काँग्रेसको पदाधिकारीको सङ्ख्या ५ रहेको थियो ।
