सामाजिक विकास मन्त्री खनालको राजीनामा स्वीकृत
काठमाडौ भाद्र १६,
बागमती प्रदेशकी मुख्यमन्त्री अष्टलक्ष्मी शाक्य अल्पमतमा परेकी छन् । नेकपा एमालेका १२ जना प्रदेशसभा सांसद्हरुले एमाले छाडेर नेकपा एकीकृत समाजवादी रोजेपछि शाक्य अल्पमतमा परेकी हुन् ।
१०९ सदस्यीय प्रदेशसभामा एमालेका ५६ जना सांसद् छन् । प्रदेशसभामा बहुमतका लागि ५५ जना सांसद्को साथ चाहिन्छ । १२ जना सांसद्ले एकीकृत समाजवादी रोजेपछि नेकपा एमालेका ४४ जना सांसद् मात्रै बाँकी रहेका छन् ।
त्यस्तै माधव नेतृत्वको नेकपा एकीकृत समाजवादी दल रोज्ने प्रदेश सासंदहरुमा क्रमस राजेन्द्र पाण्डे,राजेन्द्रमान श्रेष्ठ,लक्ष्मण लम्साल, बसुन्धरा हुमागाई,रमा आले मगर,बसन्त मानन्धर,कुसुम कार्की,पार्वती सिलवाल,इन्द्रमाया गुरुङ,मुनु सिग्देल,माधव पौडेल र कृष्ण खनाल रहेका छन ।
यसैवीच मुख्यमन्त्री अष्टलक्ष्मी शाक्यले आफू मुख्यमन्त्री भएकै दिन अर्थात गत भाद्र २ गते मन्त्रीमा नियुक्त भएक बाग्मती प्रदेशका सामाजिक विकास मन्त्री कृष्णप्रसाद खनालले राजीनामा दिनुभएको राजीनामा मुख्यमन्त्री शाक्यले स्वीकृत गर्नुभएको मुख्यमन्त्रीको सचिवालयले जनाएको छ ।
