काठमाडौं असार २४,
महानगरीय प्रहरी वृत्त लैनचौरले काठमाडौं महानगरपालिका-२६ ठमेल जेपी मोडस्थित होटलमा तास खेलिरहेको अवस्थामा होटल संचालक चिनियाँ नागरिक राहदानी नम्बर ई ९९८३३१२३ बहाक HE.XIAOLOMG समेत ५ जनालाई बुधबार राति प्रहरीले पक्राउ गरेको छ ।
होटलमा जुवातास र सट्टाबाजी खेलाई रहेको भन्ने बिशेष सूचनाको अनुसन्धान गर्ने क्रममा उनीहरूलाई नगद १ लाख २३ हजार रूपैयाँ तथा जुवातास खेल्न प्रयोग गरेको विद्युतिय टेबल १ थान, २ सय १० थान प्लाष्टिकको गोटी, १ सय ६० पत्ता तास, २ सहित पक्राउ गरेको जनाउदै पक्राउ परेका अभियुक्त उपर थप अनुसन्धान भइरहेको प्रहरीले जनाएकोछ ।
त्यस्तै सुर्यबिनायक नगरपालिका ७ ध्याम्पे डाँडा बस्ने सन्जीब वाग्लेको घ्याम्पे आईएनएन होटलमा तास खेलिरहेको अवस्थामा वाग्ले लगायत ६ जनालाई महानगरीय प्रहरी वृत्त जगातीले नगद ५८ हजार २ सय रूपैयाँ र १ बुक तास सहित पक्राउ गरेको जनाएकोछ ।