काठमाडौ असार २८,
संसद विघटनविरुद्धको रिट उपर सर्वोच्च अदालतले आजको लागि तोकको पेशीमा छलफल हुँदैछ । उक्त मुद्धामा पक्ष विपक्ष तथा एमिकस क्युरीको रायसमेत सुनेपछि सर्वोच्च अदालतले आजका लागि पेसी तोकेको हो । प्राप्त जानकारी अनुसार सम्भवतः सर्वोच्चले आज अन्तिम आदेश समेत गर्ने प्रवल संभावना रहेको बुझिएको ।
प्रधानन्यायाधीश चोलेन्द्रशमशेर जबरा र न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र डा.आनन्दमोहन भट्टराईको संवैधानिक इजलासमा असार ९ गतेदेखि २१ गतेसम्म भएको रिटको निरन्तर सुनुवाइ सकिएसंगै न्यायाधीशबीच आवश्यक परामर्श र अन्तिम आदेश तयारीका लागि एक साताको समय राखेर हेर्दा हेर्दैमा पेसी तोकिएको र सोहि अनुरुप उक्त मुद्धामा आज आदेश हुन सक्ने सर्वोच्च स्रोतले जनाएको छ ।
स्मरण रहोस निवेदक पक्षले काँग्रेस सभापति शेरबहादुर देउवालाई प्रधानमन्त्री नियुक्तिको परमादेश माग गरेको छ भने विपक्षीले भने विघटन संवैधानिक दायित्व पूरा गरेकाले बदर हुनु नपर्ने जिकिर प्रस्तुत गरेका छन । त्यस्तै यसवीचमा सर्वोच्चले दिने आदेशमा प्रस्तुत मुद्धाको छिनोफानो हुने भएको छ।
