काठमाडौ असार ३१,
स्वास्थ्य तथा जनसङ्ख्या मन्त्रालयले सार्वजनिक सूचना जारी गर्दै ‘कोभिड गार्ड’ प्रयोग नगर्न आग्रह गरेको छ । कोभिड निष्प्रभावी बनाउने भन्दै बजारमा बिक्रीमा ल्याइएको कोभिड गार्ड नकिन्न आग्रह गरेको हो ।
मन्त्रालया सहप्रवक्ता डा समीरकुमार अधिकारीले कोभिड गार्डले कोभिड–१९ को रोकथाम र नियन्त्रणमा कुनै काम नगर्ने भएकाले त्यस्ता भ्रमपूर्ण गार्ड नकिन्न आग्रह गर्दै अहिलेसम्म कोभिड–१९ लाई यसरी नियन्त्रण गर्ने कुनै प्रविधिको विकास नभएको जनाएकोछ ।
त्यस्तै यसकिसिमको गार्डको प्रयोगबाट मुटु, फोक्सोलगायतमा गम्भीर असर गर्ने जनाउ सहित मन्त्रालयले कोभिडबाट बच्नका लागि एकमात्र उपाय खोप लगाउने, मास्कको सधैँ प्रयोग गर्ने र स्वास्थ्य सुरक्षाका सबै मापदण्ड नै भएको जानकारीदिएको छ।
त्यस्तै मन्त्रालयले निषेधाज्ञा खुकुलो भएसँगै सङ्क्रमणको जोखिम बढेकोले स्वास्थ्यका मापदण्ड प्रयोग गर्न सबैलाई आग्रह गरेको छ । मन्त्रालयले सङ्क्रमणबाट बच्न सुरक्षाका सबै उपाय अपनाई व्यापार गर्न समेत आग्रह गरेको छ ।