काठमाडौं जेठ २६,
संसद विघटनको मुद्दामा सर्वोच्च अदालतले सरकारको नाममालिखित जवाफ सहित कारण देखाऊ आदेश जारी गरेको छ । प्रधानन्यायाधीश चोलेन्द्रशम्शेर जबरा तथा न्यायाधीश दीपककुमार कार्की, मीरा खड्का, ईश्वरप्रसाद खतिवडा र डा आनन्दमोहन भट्टराईको संवैधानिक इजलासले आज सो आदेश जारी गरेको हो ।
त्यस्तै इजलासले प्रस्तुत मुद्धामा आगामी असार ९ गतेदेखि निरन्तर सुनुवाइ गर्ने तय गरेको छ । साथै आज प्रारम्भिक सुनवाइ अन्र्तगत रिट निवेदकका तर्फबाट वरिष्ठ अधिवक्ताद्वय शम्भु थापा र महादेव यादवले बहस पैरवी गर्नुभएको थियो ।
त्यस्तै आज जारी आदेशमा बहसका लागि एउटा पक्षलाई १५ घण्टा समय निर्धारण गरेको छ । रिट निवेदक पक्षले सुरुमा १२ घण्टा र प्रत्युत्तर बहसका लागि ३ घण्टा गरी १५ घण्टा समय पाउनेछन् । त्यस्तै विपक्षी सरकारका तर्फबाट पनि बहसका लागि १५ घण्टा समय पाउने गरि समयसिमा निर्धारण गरेको छ।
साथै इजलासले नेपाल बार र सर्वोच्च बारबाट २ २जना गरि ४ जना एमिकस क्युरीको समेत माग गर्दै एमिकस क्युरीकालागि समेत एक जनाले बहसका लागि समय सिमा तोकेको छ।