काठमाडौं जेठ २१
प्रधानमन्त्री केपी ओलीले जनता समाजवादी पार्टी महन्थ ठाकुर समूहका नेता सरकारमा सहभागी गराउदै मन्त्रिपरिषद्को पुनर्गठन गर्नुभएको छ। ३ जना उपप्रधानमन्त्री, १२ जना मन्त्री र २ जना राज्यमन्त्री सहित पुनर्गठित मन्त्रिपरिषदमा यसअघि एमालेको तर्फबाट मन्त्री रहेको पुराना अधिकांश हटाएर नयाँ व्यक्तिलाइ जिम्मेवारी दिइएकोछ ।
त्यस्तै पुनर्गठित मन्त्रिपरिषद्मा प्रम ओलीले विष्णु पौडेल, रघुवीर महासेठ र राजेन्द्र महतोलाई उपप्रधानमन्त्रीको जिम्मेवारी दिएका छन । यसअघि उपप्रधानमन्त्री रहेका ईश्वर पोखरेल र परराष्ट्रमन्त्री प्रदीपकुमार ज्ञवाली सरकारबाट बाहिरिएका छन । त्यस्तै हृदेयश त्रिपाठी जिम्मेवारीमा रहेको रहेको स्वास्थ्य मत्रत्रालयको जिम्मेवारी शेरबहादुर तामाङलाई दिइएकोछ ।
यस्तो छ पुनर्गठित मन्त्रिपरिषदको स्वरुप
- केपी ओली प्रधानमन्त्री उद्योग, बाणिज्य तथा आपूर्ति; कृषि तथा पशुपन्छी विकास; गृह; रक्षा; वन तथा वातावरण; सङ्घीय मामिला तथा सामान्य प्रशासन र सञ्चार तथा सूचना प्रविधि
- विष्णुप्रसाद पौडेल उपप्रधानमन्त्री अर्थ
- रघुबीर महासेठ उपप्रधानमन्त्री परराष्ट्र
- राजेन्द्र महतो उपप्रधानमन्त्री शहरी विकास
- शरतसिंह भण्डारी मन्त्री ऊर्जा, जलस्रोत तथा सिंचाई
- कृष्णगोपाल श्रेष्ठ मन्त्री शिक्षा, विज्ञान तथा प्रविधि
- अनिलकुमार झा मन्त्री खानेपानी
- शेरबहादुर तामाङ मन्त्री स्वास्थ्य तथा जनसङ्ख्या
- लक्ष्मणलाल कर्ण मन्त्री भूमि व्यवस्था, सहकारी तथा गरिबी निवारण
- बसन्तकुमार नेम्वाङ मन्त्री भौतिक पूर्वाधार तथा यातायात
- लिलानाथ श्रेष्ठ मन्त्री कानून, न्याय तथा संसदीय मामिला
- बिमलप्रसाद श्रीवास्तव मन्त्री श्रम, रोजगार तथा सामाजिक सुरक्षा
- उमाशंकर अरगरिया मन्त्री संस्कृति, पर्यटन तथा नागरिक उड्डयन
- चन्दा चौधरी मन्त्री महिला, बालबालिका तथा ज्येष्ठ नागरिक
- एकवाल मियाँ मन्त्री युवा तथा खेलकुद
- चन्द्रकान्त चौधरी राज्यमन्त्री ऊर्जा, जलस्रोत तथा सिंचाई
- रेणुका गुरूङ राज्यमन्त्री महिला, बालबालिका तथा ज्येष्ठ नागरिक
यसैवीच नवानियुक्त मन्त्रीहरुको सपथग्रहण आजै साँझ ८ बजे राष्ट्रपति कार्यालयमा हुने बताइएकोछ ।