काठमाडौं जेठ १८
राष्ट्रपति विद्यादेवी भण्डारीको आग्रहमा मित्रराष्ट्र चीनका समकक्षी राष्ट्रपति सी जिनपिङले अनुदानमा उपलब्ध गराएको सिनोफार्म कम्पनीले विकास गरेको भेरोसेल खोपको १० लाख डोज मध्ये ८ लाख मात्रा खोप आज काठमाडौं आइपुगेको छ ।
सरकारले नेपाल वायुसेवा निगमको वाइडबडी बिमानले बेइजिङबाट अनुदानमामा प्राप्त उक्त परिमाणको खोप आज काठमाडौं ल्याइपु- याएको हो ।
नेपाल आइपगेको सो खोप चिनियाँ राजदुत होउ यान्छीले स्वस्थ्य तथा जनसंख्यामन्त्री ह्दयेश त्रिपाठीलाई विमास्थलमा नै हस्तान्तरण गरेकी छन् । यसअघि चीनले अनुदानमा दिएको ८ लाख डोज खोप नेपालमा ल्याई प्रयोगसमेत भइसकेको छ ।
आजै, चीनको कुन्मिङबाट हिमालयन एयरलाइन्सको विमानले थप एकलाख डोज खोप काठमाडौं ल्याउँदैछ । बुधबार पनि कुन्मिङबाट हिमालयन एयरलाइन्सको जहाजले थप १ लाख डोज खोप ल्याउने छ ।
