काठमाडौ बैशाख २८,
बङ्गलादेशका विदेशमन्त्री डा एके अब्दुल मोमेन र स्वास्थ्य तथा परिवार कल्याणमन्त्री जाहिद मल्लिकले नेपाल सरकारको कोभिडविरुद्धको लडाइँमा सघाउन औषधि तथा स्वास्थ्य सामग्री हस्तान्तरण गर्नुभएको छ ।
बङ्गलादेशले बेक्सिमको फर्माबाट उत्पादित ५ हजारभाइल रेम्डीसिभर, सुई तथा पिपिईलगायत अन्य अत्यावश्यक स्वास्थ्य सामग्री ढाकामा आज बङ्गलादेशका लागि नेपालका राजदूत डा वंशीधर मिश्रलाई हस्तान्तरण गरिएको ढाकास्थित नेपाली दूतावासले जनाएको छ । उक्त सामग्री आजै हिमालयन एयरलाइन्सबाट नेपाल पठाइने जनाइएको छ ।
