काठमाडौ बैशाख २३,
नेपाल पत्रकार महासंघ केन्द्रीय कार्यालयमा कोभिड संक्रमित पत्रकारका लागि अक्सिजन सहितको आइसोलेसन सेन्टर स्थापना गरेको छ ।महासंघमा रहेको पत्रकार आवास गृहमा तत्कालका लागि ५ वेड सहितको आइसोलेसन सेन्टर स्थापना गरिएको र थप अरु ५ बेड तयारीको अन्तिम चरणमा रहेको महासंघले जनाएको छ ।
महासंघद्दारा जारी विज्ञप्त्मिा हाम्रो टिम नेपालले चारवटा अक्सिजन सिलिण्डर सहयोग गरेको छ भने मेक्सिम इन्टरनेसनल ट्रेडिङ्का प्रबन्ध निर्देशक नारायणबहादुर कार्कीका तर्फबाट दुईवटा सिलिण्ड प्राप्त भएको महासंघले जनाएको छ । त्यस्तै विज्ञप्तिमा प्राप्त पछिल्लो डेटा अनुसार देशभर ६ सय ५० पत्रकार कोभिड संक्रमित भएका छन् यसमध्ये २५२ जना सक्रिय संक्रमित रहेको जनाएको छ।
जसमा प्रदेश नम्बर १ मा १८, प्रदेश २ मा ९, बागमती प्रदेश १४, गण्डकी ७, लुम्बिनी २७, कर्णाली ३०, सुदूरपश्चि ३० र उपत्यका तीनवटा प्रदेशमा ११७ जना संक्रमित रहेको उल्ल्ेख गरिएको छ। साथै संक्रमतिमध्ये ३२ जनाको अस्पतालमा उपचाररत भइरहेको तथा ४ जना आइसियुमा उपचाररत छन् भने हालसम्म ७ जना पत्रकारको निधन भएको छ । महासंघले देशभर रहेका सबै प्रदेश र शाखाहरुलाई कोभिड संक्रमित पत्रकार तथा सञ्चारकर्मीको उद्दार तथा उपचारमा सक्रिय सहभागिताका लागि आग्रह समेत गरेको छ ।
