काठमाडौ बैशाख २२,
नेपालमा पछिल्लो २४ घण्टामा कोभिड संक्रमितको संख्या आज पनि ह्वात्तै बढेको छ। २० हजार ७ सय ५६ जनाको पिसिआर र ६१६ जनाको एन्टीजेन विधिबाट गरिएको परिक्षणको क्रममा ८ हजार ६०५ जनामा कोभिड पुष्टि भएको स्वास्थ्य तथा जनसंख्या मन्त्रालयले जनाएको छ। साथै मन्त्रालयले आज पहिचान भएका संक्रमितको सख्या हालसम्मको उच्च भएको बताएकोछ ।
त्यस्तै मन्त्रालयले वितेको २४ घण्टामा १ हजार ९९३ जना सङ्क्रमित कोभिडमुक्त भएको जनाएको छभने ६६ हजार ३५२ जना सक्रिय संक्रमित रहेको जानकारी दिएको छ। साथै पछिल्लो २४ घण्टामा ५८ जना सङ्क्रमितको मृत्युको पुष्टि भएको र योसंगै हालसम्म मृत्यु हुने संक्रमितको संख्या ३ हजार ४७५ पुगेको मन्त्रालयले जनाएको छ ।
