काठमाडौं बैशाख २१,
बढ्दो कोभिड संक्रमिणको रफ्तारसंगै काठमाडौं उपत्यकामा गत १६ गतेबाट जारी गरिएको निषेधाज्ञा थप एकसाताको लागि कायम हुने भएको छ । उपत्यकाका तीन वटै जिल्लाका प्रमुख जिल्ला अधिकारीहरुको संयुक्त बैठकले बधवार मध्य रात्रीसम्म लागु हुने गरि यसअघि जारी गरिएको निषेधाज्ञा २९ गते राती १२ बजे सम्म लम्ब्याउने निर्णय गरेको हो ।
त्यस्तै प्रमुख जिल्ला अधिकारीहरुको संयुक्त बैठकले यसअघि विहान १० बजेसम्मका लागि पसल खोल्ने समय ताकिएपनि अव भने बिहान ९ बजेसम्म मात्र कायम गरिएको र अत्यावश्यक बाहेकका अरु सवै किसिमका पास वितरण बन्द गर्ने निर्णय गरिएको थाहा भएको छ ।