साँझ-विहान खुल्छ खाद्य सामग्री पसल अत्तालिनु पर्ने अवस्था छैन
काठमाडौं बैशाख १६ , नेपालमा पछिल्लो समय रफ्तारमा बढ्दो कोभिड संक्रमणको जोखिमलाइ दृष्टिगत गर्दै काठमाडौं उपत्यका लगायत देशका विभिन्न भागमा आजबाट जारी निषेधाज्ञाको पहिलो दिन काठमाडौ उपत्यकाका लगायतका मुख्य सडक प्राय सुनसान देखिएका छन ।
शहरका भित्री भागमा सामान्य चहलपहल भएपनि मुख्य सडकमा प्रहरीले सडकमा कडाइ गरेको छ।
महामारी नियन्त्रण गर्न काठमाडौ उपत्यकामा बिहीबार बिहान ६ः०० बजेदेखि दुई साताका लागि निषेधाज्ञा जारी गरिएको छ । मन्त्रिपरिषद्को निर्णयले १५ दिनसम्म निषेधाज्ञा गर्ने निर्णय भएको र उपत्यकाका तीन जिल्ला [काठमाडौ, भक्तपुर र ललितपुर] का प्रमुख जिल्ला अधिकारीसहित स्थानीय सुरक्षा निकाय प्रमुखकोे बैठकले एक साताका लागि निषेधाज्ञा जारी गर्ने निर्णय गरेसँगै आजबाट उक्त आदेश लागू भएको हो ।
निषेधाज्ञाका क्रममा काठमाडौंका ठाउँठाउँमा चेकिङ खडा गरिएको छ भने बिना कारण हिँडडुल गर्ने सर्वसाधारणलाई ठाउँठाउँमा होल्ड गर्नुको अलावा तोकिएको बाहेकका सवारीसाधन चलाउनेलाई पनि नियन्त्रणमा राखिएको छ। काठमाडौंका १२८ ठाउँका पिकेट ड्युटीमा प्रहरी परिचलान गरिएको छ भने ट्राफिक र प्रहरीले संयुक्तरुपमा ४४ ठाउँमा सवारी चेकिङ गर्ने व्यवस्था मिलाइको जनाएको छ।
साथै जारी निषेधात्रा नागरिकको स्वास्थ्य रक्षाका लागि भएका कारण नागरिक आफै सचेत हुनुपर्ने देखिन्छ । त्यस्तै नागरिकका लागि आवश्यक खाद्य सामग्रीका पसलहरु भने न्युनतम २ मिटरको भौतिक दुरी कायम गर्दै सरकारले तोकेको जनस्वास्थ्य मापदण्डको अनिवार्य रुपमा पालना गर्दै निश्चत समय अन्र्तगत विहान १० बजेसम्म र साँझ ५ बजेदेखि ७ बजेसम्म मात्र खोल्न पाइने व्यवस्था मिलाईएको कारण अत्तालिनु पर्ने अवस्था नभएको सुरक्षा अधिकारीहरु बताए ।
।
