काठमाडौ बैशाख १३,
पछिल्लो २४ घण्टामा देशभरिमा ३ हजार ५५६ जनामा कोभिड–१९ को सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । मन्त्रालयका अनुसार देशभर पिसिआर प्रविधिबाट १२ हजार ४०० र एन्टिजिन विधिबाट ८९३ गरी जम्मा १३ हजार २९३ को परीक्षण गर्ने क्रममा उक्त सख्यामा संक्रमितको पहिचान भएको जनाएको छ ।
त्यस्तै मन्त्रालयले पछिल्लो डेटा अनुसार संक्रमित मध्ये २६८ आइसियु र ७८ जनाको भेन्टिलेटरमा उपचार भइरहेको र काठमाडौँ, भक्तपुर, ललितपुर, मोरङ, पर्सा, कास्की, दाङ, बाँके र रुपन्देही लगायतका जिल्लामा पाँच सयभन्दा बढी सङ्क्रमित रहेको जनाएको छ।
त्यस्तै पछिल्लो २४ घण्टामा प्राप्त रिपोर्टमा उल्लेख भएअनुसार संक्रमिणका कारण मृत्यु हुनेको सङ्ख्या १२ रहेको समेत मन्त्रालयले जनाएको छ।