भक्तपुर बैशाख १,
भक्तपुरमा नव वर्षको शुभारम्भमा मनाइने बिस्काः जात्राको योसिङ द्यः अर्थात् ५५ हातलामो लिङ्गो २४ घण्टाको प्रयासपछि आज साँझमात्र उठेको छ । चैत्र मसान्त अर्थात जात्राको चौथो दिन भेलुखेलमा उठाइनु पर्ने उक्त लिङ्गो उठ्न नसके पछि आज आज साँझ करिब पौने ७ बजे मात्रै उक्त लिङ्गो उठाइएको हो । लिङ्गो उठे संगै आवश्यक तन्त्रोउक्त पूर्चना पछि आजै लिङ्गो ढालिएको छ ।
बिस्केट जात्राको सवालमा चलन चल्तीमा रहेको किम्बदन्ती अनुसार परापूर्वकालमा भक्तपुरमा एक प्रतापी र अद्भूत सुन्दरी राजकुमारी थिइन् । ती राजकुमारीलाई बिहे गरे राजगद्धी पाइने भएपछि धेरै राजाले तिनीसँग बिहे गरे तर बिहेकै रात राजकुमार मर्ने गर्दथ्यो । राजाले आफ्नो सयन कक्षबाट हरेक बिहान शव उठाई मसानघाटसम्म पु९याउने मलामी गुठी नै स्थापना गरेका थिए ।
अन्तमा एक बुद्धिमानी राजकुमारले ती राजकुमारीसँग बिहे गरे । राति राजकुमारी निदाएपछि उनको नाकको प्वालबाट दुईवटा स–साना नागनागिनी निस्केर अजिङ्गरको रूपधारण गरी राजकुमारलाई डस्न लाग्दा राजकुमारले आफ्नो खड्गले काटेर दुई टुक्रा पारिदिए । ती नागनागिनीले प्राण त्याग गर्ने बेलामा अब हामी दुवै एकै ठाउँमा मर्न लाग्यौँ, हामी प्राण त्याग गरेर गएपछि हाम्रो पुरुषार्थ देखाउन सबैले देख्ने गरी जात्रा चलाइदिनु भने ।
यसरी अजिङ्गरको स्वरुप हुने नागनागिनी मारिएको खुसियालीका साथ यो जात्रा मनाउन थालिएको भनाइ छ । नागनागिनीको अन्तिम इच्छाअनुसार ६० हात लामोे लिङ्गो ल्योसिंखेलमा ठड्याएर एकजोडी विश्व ध्वजा राख्ने गरिन्छ । लिङ्गोमा आठवटा डोरी रहेको हुन्छ, जसमा अष्टमातृका गण अङ्कित हुन्छ आज मध्याह्नबाट भैरव र भद्रकालीको रथमा विधिवत पूजा अर्चना गर्दै रथलाई तानेर भेलुखेल पु९याएपछि बिधि पूर्वक हात भएको ईन्द्रधवजासहितको लिङ्गो उठाउने परम्परा छ । यो लिङ्गो शनिवार दिनभर जात्रा गरी साँझ ढाल्ने गरिन्छ ।
