काठमाडौं बैशाख ८,
पूर्वराजा ज्ञानेन्द्र शाह र उनकी पत्नी कोमल शाहलाई कोरोना संक्रमण पुष्टि भएको छ ।भारतको हरिद्वारमा लागेको कुम्भ मेलामा सहभागी भएर फर्किएका शाह दम्पतीमा कोरोना पुष्टि भएको हो ।
स्वदेश फर्किएसंगै पूर्व राज दम्पतिले कोभिड संक्रमण परीक्षण गराएका थिए । परीक्षणको रिपोर्ट पोजेटिभ देखिएको छ । रिपोर्ट पोजेटिभ आएसंगै कन्ट्याक्ट ट्रेसिङको काम पनि शुरू भएको उहाँ निकट स्रोतले जनाएको छ । यसअघि सोही कुम्भ मेलामा सहभागी भएका भारतको उत्तर प्रदेशका मुख्यमन्त्री योगी आदित्य पनि कोभिड भाइरसबाट संक्रमित भएका थिए ।
