काठमाडौ फागन ४,
संसद विघटनविरुद्धको मुद्दामा आजदेखि अदालतलाई सहयोग गर्न गठित अदालतको सहयोगीे अर्थात एमिकस क्युरी बाट राय लिन काम शुरु भएको छ । आज एमिकस क्युरीका ५ सदस्य मध्ये पूर्वमहान्यायाधिवक्ता तथा वरिष्ठ अधिवक्ता बद्रीबहादुर कार्कीले आफ्नो पहिलो राय प्रस्तुत गर्नुभएको छ ।
प्रधानन्यायाधीश चोलेन्द्रशम्शेर जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना मल्ल र तेजबहादुर केसीको संवैधानिक इजलासमा पूर्वमहान्यायाधिवक्ता कार्कीले विघटनविरुद्ध परेको रिट निवेदनमा पक्ष र विपक्ष दुवैलाई वहस पैरवी अनरुप नेपालको संविधानमा स्पष्टरूपमा प्रतिनिधिसभा विघटन गर्ने व्यवस्था नभए पनि राजनीतिक अधिकार कार्यकारीलाई हुने राय दिनुभएको छ ।
त्यस्तै उहाँले संविधानको धारा ७६ (१) ले विघटन गर्न पाउने अधिकार निहित रहेको जनाउदै प्रधानमन्त्रीको सिफारिसमा राष्ट्रपतिले विघटन गर्न पाउने स्पष्ट व्यवस्था भएको इजलाससमक्ष राय प्रस्तुत गर्नुभएको हो ।
त्यस्तै बुधवार एमिकस क्युरीका बाँकी सदस्यहरु सतिशकृष्ण खरेल, विजयकान्त मैनाली, पूर्णमान शाक्य र गीता पाठकले राय प्रस्तुत गर्नु हुने भएको छ ।