काठमाडौ माघ २३,
पश्चिमी वायुको प्रभावका कारण आज उच्च हिमाली भूभागमा हिमपातसंगै देशभर आंशिकदेखि सामान्य बदली रही अधिकांश स्थानमा वर्षा भएको जल तथा मौसम विज्ञान विभागले जनाएको छ ।
त्यस्तै विभागले आज अपराह्न तथा बेलुकासम्म देशका पूर्वी तथा मध्य भूभागमा पनि हल्कादेखि मध्यम वर्षाको सम्भावना रहेको जनाउदै पश्चिमी वायुको प्रभाव शनिबार बेलुकासम्म रहने र आइतबारदेखि मौसममा क्रमिक सुधार हुन जनाएको छ ।
त्यस्तै देशभर राति आंशिकदेखि सामान्य बदली रही सुदूरपश्चिम, कर्णाली, लुम्बिनी र वाग्मती प्रदेशका पहाडी भूभागका धेरै स्थान तथा प्रदेश नं १ का केही स्थानमा हल्का वर्षाको सम्भावना रहेको बताइएको छ । मौसम पूर्वानुमान महाशाखाको पछिल्लो विवरणानुसार आज काठमाडौँ उपत्यकाको न्यूनतम तापक्रम ३ दशमलव ५ डिग्री र अधिकतम तापक्रम २० दशमलव शून्य डिग्री सेल्सियस मापन भएको जनाएको छ ।
