- काठमाडौं माघ ९,
अनुप प्रधान
उपत्यकाको उत्तर पूर्वी भेगस्थित १८ किमीको दूरीमा रहेको साँखुस्थित शालिनदीमा हरेक वर्षको पौष शुक्ल पूर्णिमादेखि माघ शुक्ल पूर्णिमासम्म चल्ने एक महिने माधवनारायण स्वस्थानी व्रत शालिनादी मेला आगामी माघ १५ देखि फागुन १५ गतेसम्म सञ्चालन हने भएको छ। मनोकाक्षां पूरा हुने विश्वासका साथ एक महिना अवधिसम्म बसिने यो व्रत विशेषगरी पौराणिक धर्मग्रन्थ स्कन्द पुराणमा आधारित मानिन्छ । सत्ययुगमा भगवान् विष्णुको सल्लाहअनुसार हिमालयकी पुत्री पार्वतीले महादेव स्वामी पाऊँ भनी बालुवाको शिवलिङ्ग बनाई निराहार व्रत बसेर तपस्या गरी मनोकाक्षा पूरा भएको कुरा स्वस्थानी कथासँग जोडिएका कारण यसको महत्व रहँदै आएको छ ।
कोभिड जोखिमका वीच पनि परम्परा जोगाउन आवश्यक सम्पर्ण तयारी गर्दै मेलाको आयोजनाको जानकारी दिन विहिवार आयोजित पत्रकार सम्मेलनमा माधवनारायण मेलाका लागि साँखुस्थित शालिनदीमा सम्पूर्ण तयारी पूरा गरिएको श्री माधवनारायण स्वस्थानी व्रत तथा शालिनदी सुधार समितिले जनाएको छ । त्यस्तै समितिले यसपटकको मेलामा व्रत बस्ने भक्तजनको नामावली दर्ता माघ १० गते देखि १२ गतेसम्म् तोकिएको र व्रत बस्ने व्रतालुको पिसिआर, एण्टीजेन परीक्षण गराइने र व्रतअवधीमा वास बस्नका लागि समितिले वासस्थानकोको समेत व्यवस्था गर्ने जानकारी दिएका छन ।
