काठमाडौं माघ २,
बुहप्रकोपीय विपदमा भूकम्पीय सुरक्षा, साझा सहकार्यमा जनधनको रक्षा’ भन्ने नाराका साथ विसं १९९० माघ २ गते दिउँसो २ः२४ बजे भूकम्प गएको सम्झनामा आज देशभर विभिन्न कार्यक्रम आयोजना गरी २३औँ राष्ट्रिय भूकम्प सुरक्षा दिवस मनाइँदैछ । भूकम्पका बारेमा जनचेतना जगाउने उद्देश्यले सरकारले यो दिवस विसं २०५५ देखि माघ २ गतेलाई राष्ट्रिय भूकम्प सुरक्षा दिवसका रुपमा मनाउन थालिएको हो ।
विसं १९९० माघ २ गतेको भूकम्प पछि मुलुकमा विसं २०७२ वैशाख १२ गते शनिबार ११ः५६ बजे गोरखाको बारपाकलाइ केन्द्रबिन्दु बनाउँदै गएको भूकम्पले करीब ९ हजार मानिसको मृत्यु हुनुको अलावा ८ लाखभन्दा बढी निजी घर ध्वस्त भएको थियो ।
त्यस्तै दिवसका अवसरमा मूल समारोह समितिले आज भक्तपुर मध्यपुरथिमि नगरपालिका वडा नं ८ बोडेस्थित कुमारी पार्कमा विशेष कार्यक्रम गर्दैछ । कार्यक्रममा भर्चुअल माध्यमबाट पनि सहभागी हुन सकिने जनाइएको छ । यस अवसरमा भूकम्प सुरक्षा डिजिटल प्रदर्शनीकोसमेत आयोजना गरिने जनाइएको छ।
