आइतवार, साउन १०, २०७८

निर्वाचनको तयारी रोक्नुपर्ने प्रचण्ड–माधव समूहको प्रस्ताव आयोगद्वारा अस्वीकार

काठमाडौं पुस २८,
नेपाल कम्युनिस्ट पार्टी [नेकपा] पुष्पकमल दाहाल ‘प्रचण्ड’–माधवकुमार नेपाल समूहले निर्वाचन तयारी रोक्न गरेको प्रस्तावलाई निर्वाचन आयोगले अस्वीकार गरेको छ । प्रतिनिधिसभा विघटन असंवैधानिक भएको दाबी गर्दै परेको मुद्दा सर्वोच्च अदालतमा विचाराधिन रहेको बेला निर्वाचन तयारी रोक्नुपर्ने प्रस्ताव प्रचण्ड–माधव समूहले राखेपछि आयोगले अस्वीकार गरेको हो ।

सो समूहका अध्यक्षद्वय दाहाल र नेपाल, नेताहरु लीलामणि पोखरेल, राजेन्द्र पाण्डे, रामनारायण विडारी र कृष्णभक्त पोखरेललगायतको टोली निर्वाचन तयारी रोक्नुपर्ने मागसहित पत्र लिएर सोमबार आयोग पुगेको थियो ।

‘संविधानले परिकल्पना गरेको अवस्थामा प्रधानमन्त्री केपी शर्मा ओलीले गैरसंवैधानिक ढंगबाट प्रतिनिधिसभा विघटन सिफारिस गरी राष्ट्रपतिबाट विघटनको घोषणा भएकोमा उक्त घोषणालाई बदर गर्न माग राखेर दायर गरिएको मुद्दा सर्वोच्च अदालतमा विचाराधीन अवस्थामा छ,’ प्रचण्ड–माधव समूहले आयोगमा बुझाएको पत्रमा लेखिएको छ, ‘अदालतबाट विचाराधीन विषयमा निर्णय आउनुअगावै निर्वाचन आयोगले मुद्दालाई प्रभाव पार्ने गरी निर्वाचनको तयारीको कामकारबाही अघि बढाउनु न्यायसंगत हुँदैन, तसर्थ अदालतबाट रिट निवेदनको अन्तिम टुंगो नलागेसम्म निर्वाचनसम्बन्धी कुनै पनि काम कारवाही अघि नबढाउन गम्भीर ध्यानाकर्षण गराउन चाहन्छौँ ।’

तर, निर्वाचन आयोगले भने आफू कानुनअनुसार अघि बढेकाले निर्वाचन तयारी रोक्न नमिल्ने बताएको खवर नागरिक दैनिकमा अर्जुन सुवेदीको वाइलाइनमा प्रकाशित रहेको छ ।

साल्ट ट्रेडिङ्ग कपोर्रेशन लिमिटेड

कालिमाटी, काठमाडौं
फोन नं: ०१४ २७० ३१५ ,फ्याक्स: ०१४ २७१ ७०४
Email salt@stcnepal.com, admin@stcnepal.com

नेपालको सवैभन्दा पुरानो सुपर मार्केट

विशाल बजार कम्पनी लि.
शुक्रपथ, काठमाडौं, नेपाल

फोन: ०१४ २२८ ३४२, ०१४ २४२ १८५, ०१४ २२२ ४२३
Email: info@bishalbazar.com.np

खबरका दस्तावेजहरु

January 2020
S M T W T F S
 123
45678910
11121314151617
18192021222324
25262728293031