काठमाडौं पुस २० ,
सरकारले गत पुस १० गते बसेको मन्त्रिपरिषद्को बैठक मार्फत प्राइभेट फर्म रजिष्ट्रेशन नियमावली, २०३४ मा १३औँ संशोधन गर्ने निर्णयगरेसँगै निजी [प्राइभेट] फर्म नवीकरणको अवधि आगामी असार मसान्तसम्मका लागि थप गरिएकोछ ।
वाणिज्य, आपूर्ति तथा उपभोक्ता हित संरक्षण विभागका अनुसार यसवीचमा नवीकरण गर्न छुटेका सबै निजी फर्मले २०७८ असार मसान्तसम्म नवीकरण गर्न पाउने र नविकरण गर्दा आवश्यक काथजात सहित नवीकरण गर्दा लाग्ने शुल्कमा रु २० लाख अधिकृत पूँजीभन्दा कम भएका फर्मका लागि वार्षिक रु दुई हजारका दरले र रु २० लाखभन्दा बढी पूँजी भएका फर्मका लागि वार्षिक रु पाँच हजारका दरले थप नवीकरण शुल्क तोकिएको जानकारी दिएको छ ।
व्यावसायिक प्रकृतिका प्राइभेट फर्म सञ्चालन गर्नका लागि सरकारले तोकेको निकायमा दर्ता प्रक्रिया सहभागी हुँदै दर्ता भए पश्चात तोकिएको समयावधिभित्र व्यवसायी प्रतिष्ठान नवीकरण गर्दै कारोवार गर्नु पर्ने कानूनी व्यवस्था रहेको छ ।