काठमाडौं पुस २०
चन्द्रागिरी नगरपलिकामा महानगरीय प्रहरी प्रभाग नागढुङगा प्रहरीले स्रोत नखुलेको १ करोड ४७ लाख ८६ हजार रुपैयाँ सहित भारत गोरखपुर बस्ने ३० वर्षीय अमित कुमार गुप्ता र कपिलबस्तु वाडगंगा नगरपालिका ४ बस्ने २२ वर्षीय संगम थारुलाइ पक्राउ गरेको छ ।
कपिलबस्तुबाट काठमाडौंतर्फ आउँदै गरेको प्रदेश ३९०१९०२३ च २२५९ नम्बरको कारको चेक जाँचको क्रममा कारभित्र ३ वटा झोलामा लुकाई ल्याएको उक्त रुपैयाँ फेला पारी चालक थारु र कारमा सवार अमित कुमारलाई पक्राउ गरेको महानगरीय प्रहरी प्रभाग नागढुङगाले जनाएदै यस सम्बन्धमा आवश्यक थप अनुसन्धान गरिरहेको जनाएकोछ ।
