जनकपुर मंसिर २६
बढ्दो कोभिड कहरकाबीच बिभिन्न धार्मिक गतिविधि हुन नसकेको अवस्थामा वर्ष ०७७मा जनकपुरस्थित जानकी मन्दिरमा आगामी पुस ४ गते शनिबार मनाइने विवाह पञ्चमी पनि प्रभावित हुने भएको छ ।
प्रत्येक वर्ष विवाह पञ्चमीको २ साताअघिदेखि नै चहलपहल शुरु हुन्थ्यो । तर यस वर्ष विवाह पञ्चमी आउन एक साता बाँकी रहँदा समेत कुनै चहलपहल नदेखिएको हाम्रा सहकर्मीले जनाएको छ ।
यस पटक विवाह पञ्चमीको अवसरमा परम्परालाई धान्दै सीमित रुपमा मनाइने जानकी मन्दिर व्यवस्थापनले जनाएको छ । त्यस्तै समितिले साताव्यापी रुपमा मनाउने कार्यक्रम अन्र्तगत मंसिर २९ गते जनकपुर नगर दर्शन, ३० गते फूलबारी लिला, पुस १ गते धनुष यज्ञ, पुस २ गते तिलकोत्सव, ३ गते मटकोर, ४ गते शुभ विवाह र ५ गते रामकलेबा विधि गरिने जनाएको छ ।