काठमाडौ मंसिर ६,
काठमाडौं महानगरपालिकाले आइतवारबाट नेपाल सरकारले तोकेको मापदण्ड भित्र पर्ने व्यक्तिहरुको निःशुल्क पीसीआर परीक्षण गर्नका लागि स्वाब संकलन गर्ने कार्य सूचारु गर्ने भएको छ ।
शनिबार राष्ट्रिय विभूति शंखधर साख्वाः र मानव अधिकार अभियान अगुवा पद्मरत्न तुलाधरको शालिक अनावरण कार्यक्रममा सञ्चारकर्मीसंगको कुराकानीको क्रममा महानगर प्रमुख विद्यासुन्दर शाक्यले आइतवारबाट पुनः स्वाब संकलन कार्य सूचारु गर्न लागिएको जानकारी दिनुभएको हो ।
यस्तै उहाँले यसको लागि कन्ट्याक्ट ट्रेसिङमा परेका अशक्त र जेष्ठ नागरिकको पीसीआर परीक्षणका लागि स्वाब संकलन गर्न मोवाइल भ्यान सञ्चालन गर्ने तयारी गरिएको बताउदै परीक्षणको दायरालाइ फराकिलो बनाउने महानगरको तयारी अनुरुप कन्ट्याक टेसिङमा परेका र लक्षण देखिएकालाई मात्र पीसीआर टेष्ट गर्न आग्रह गनुभयो ।
यस्तै उपत्यकामा पछिल्लो समय बढिरहेको कोभिड संक्रमणको चक्र तोड्न प्रभावकारी कदम चाल्नुपर्ने अवस्था आएको बताउदै प्रमुख शाक्यले यसको लागि उपत्यका नगरपालिका फोरमले कोभिड– १९ संकट व्यवस्थापन केन्द्र [सिसिएमसी]लाई सुझाव दिइसकेको जानकारी दिदै सरकारको सुझाव उपर कस्तो निर्णय गर्छ त्यहि अनुसार हुने बताए ।