काठमाडौं कार्तिक २८,
सङ्घीय मामिला तथा सामान्य प्रशासन मन्त्रालयले स्थानीय तहलाई अस्पतालको भवन शिलान्यास गर्ने व्यवस्था मिलाउन निर्देशन दिएको छ ।सरकारले आगामी मङ्सिर १५ गते ३९६ स्थानीय तहमा ५ देखि १५ शैयाको अस्पतलाको भवन शिलान्यास गर्ने निर्णय गरेको थियो । यसको आवश्यक व्यवस्था मिलाउन निर्देशन दिइएको मन्त्रालयका प्रवक्ता वसन्त अधिकारीद्दारा जारी विज्ञप्तिमा उल्लेख गरिएको छ।
गत कार्तिक २ गते कोभिड संक्रमण रोकथाम तथा उपचारमा समन्वयका लागि दुवै मन्त्रालयका पदाधिकारीको बैठकले आगामी मंसिर १५ गते अर्थमन्त्री र स्वास्थ्य तथा जनसङ्ख्यामन्त्रीले एकै साथ एकै समयमा शिलान्यास गर्ने गरि नितिगत निर्णय गरेको हो । त्यस्तै ७ सय ५३ स्थानीय तहमध्ये ६४९ तहमा अस्पताल न रहेको अवस्थालाइ दृष्टिगत गर्दै पहिलो चरणमा ३९६ स्थानीय तहमा सरकारले अस्पताल बनाउन लागेका हो ।
साथै विज्ञप्तिमा अर्थ मन्त्रालयबाट पहिलो चरणमा ३९६ स्थानीय तहलाई पाँचदेखि १५ श्ययाको अस्पताल बनाउन क्रमस ५ शैयाको अस्पतालका लागि ७० लाख, १० शैयाको लागि ८५ लाख र १५ श्ययाको लागि एक करोड बजेट विनियोजन गरिसकेको उल्लेख गरिएकोछ ।
