काठमााडौं कार्तिक २०,
अख्तियार दुरुपयोग अनुसन्धान आयोग हेटौंडा टोलीले १० लाख रुपैयाँ घुस रकमसहित हेटौंडा–भरतपुर–बर्दघाट विद्युत प्रसारण विस्तार आयोजनाका प्रमुख इन्जिनियर ईश्वरी प्रसाद जैसवाललाई पक्राउ गरेका छन ।
हेटौंडा–भरतपुर–बर्दघाट विद्युत प्रसारण विस्तार आयोजना भित्रपर्ने रुखहरु कटान गरी ढुवानी तथा घाटगद्दी कार्यको रकम भुक्तानी दिने क्रममा ठेकेदारसँग घुस लिँदा लिँदै गरेको अवस्थामा हेटौंडा–१० बसपार्क मेगा होटलबाट इन्जिनियर जैसवाललाइ पक्राउ गरेको हो । आयोगका अनुसार पक्राउ परेका इन्जिनियर जैसवाल उपर थप अनुसन्धान भइरहेको जनाएको छ ।
