थप १४ सय ७७ जनामा कोभिड संक्रमण पुष्टि , ६को मृत्यु
काठमाडौं कार्तिक ३०,
पछिल्लो २४ घन्टामा देशभरका विभिन्न प्रयोगशालामा ६ हजार ४ सय ७६ वटा स्वाव नमुना परीक्षणको क्रममा थप १४ सय ७७ जनामा कोभिड संक्रमण पुष्टि भएको छ ।
योसँगै नेपालमा संक्रमित हुनेको संख्या २ लाख ९ हजार ७ सय ७६ पुगेको छ । त्यस्तै आज पहिचान भएको संक्रमित मध्ये काठमाडौं उपत्यकामा ८ सय ७ जना संक्रमित रहेका छन । जसअनुसार ६ सय ३२ काठमाडौं, १ सय ३३ ललितपुर र ४२ जना भक्तपुरका रहेका छन ।
त्यस्तै देशभरका कुल सक्रिय संक्रमित ३५ हजार १ सय २५ मध्ये काठमाडौंमा १५ हजार २ सय ३७, भक्तपुरमा १ हजार २ सय ५२ र ललितपुरमा २ हजार ३ सय १५ जना रहेको जनाएको छ
यसैगरी पछिल्लो २४ घन्टामा २ हजार ७ सय ९८ जना डिस्चार्ज भएसंगै हालसम्म कोभिडमुक्त हुनेको संख्या १ लाख ७३ हजार ४ सय ३० जना पुगेको छ भने थप ६ जनाको संक्रमणबाट मृत्यु हुनेको संख्या १२ सय २१ पुगेको छ ।
