काठमाडौं कार्तिक २७,
राजधानीको कलंकीमा आज विहान प्रातकालमा रोकिराखेको बा ३ ख ७५३० नम्बरको ट्रकमा बल्खुबाट सीतापाइलातर्फ जाँदै गरेको बा ५ ख ८८६५ नम्बरको कुखुरा बोक्ने गाडी मकालु पेट्रोल पम्पअगाडि ठक्कर खाँदा ३ जनाको मृत्यु र १ जना घाइते भएको प्रहरीले जाएके छ ।
त्यस्तै दुर्घटनामा परि मृत्युहुनेमा नुवाकोट सुन्दरदेवी गाउँपालिका घर भएका २४ वर्षिय रोशन तामाङ, नुवाकोट तारकेश्वर गाउँपालिका घर भएका ३७ वर्षका माधव घिमिरे र तारकेश्वरकै २७ वर्षिय भूपेन्द्र तामाङ रहेको जनाउदै प्रहरीले नुवाकोट तारकेश्वरका २२ वर्षिय बिजय तामाङ घाइते भएको जानकारी दिएका छन् ।
त्यस्तैसडकमा रोकिराखेको र ठक्कर खाएको दुबै सवारी साधनका चालकलाई प्रहरीले नियन्त्रणमा लिदै आवश्यक कारवाही प्रक्रिया शुरु गरेको प्रहरीले जनाएको छ ।
