काठमाडौैं कार्तिक २२,
पछिल्लो २४ घण्टामा देशभरका बिभिन्न प्रयोगशालामा गरिएको पीसीआर परीक्षणको क्रममा थप २ हजार ७ सय ५३ जनामा कोभिड १९ संक्रमण देखिएसंगै नेपालमा कुल संक्रमितको संख्या १ लाख ९१ हजार ६ सय ३६ सय पुगेको छ भने देशभर सक्रिय संक्रमितको संख्या ३५ हजार ४ सय ३५ रहेको मन्त्रालयले जनाएको छ ।
त्यसैगरी देशभर थप २ हजार २ सय ६ जना कोभिड मुक्त हुँदै डिस्चार्ज भएसंगै कोभिडमुक्त हुनेको संख्या १ लाख ५५ हजार १ सय १४ पुगेको छ । त्यस्तै आज पहिचान भएका कोभिड संक्रमित मध्ये काठमाडौ उपत्यकामा थप १५ सय १२ जना संक्रमित थपिएको र यसमध्ये काठमाडौमा १ हजार २ सय ९४ जना, भक्तपुरमा ७७ जना र ललितपुरमा १ सय ४१ जना रहेको मन्त्रालयले जनाएको छ ।
त्यस्तै संक्रमणका कारण थप १७ जना संक्रमितको मृत्यु भएसंगै मृत्यु हुनेको संख्या १ हजार ८७ पुगेको छ भने आइसीयूमा ३६५ र ७६ जनाको भेन्टीलेटरमा उपचार भइरहेको मन्त्रालयले जनाएको छ ।