स्थायी राजधानी देउखुरीका विपक्षमा मतदान गर्न आफ्ना प्रदेशसभा सदस्यलाई ह्विपका वाजुद पनि केहि कांग्रेस सासंदले पक्षमा मतदान गर्ने तयारी
काठमाडौं असोज २० ,
५ न प्रदेशको नामाकरण स्थायी राजधानी तोक्नका लागि प्रस्तुत गरिएको प्रस्तावको निर्णनार्थ आज प्रदेशसभामा मतदान हुँदैछ । आज मध्यान्न बस्ने प्रदेश सभा बैठकमा प्रस्तावको विषयत मुद्धामा सासंदहरुले उठाएका प्रश्नको मुख्यमन्त्री शंकर पोखरेलले जवाफ दिने कार्यसूची समेत रहेको बताइएकोछ ।
प्रदेश सरकारले गत शुक्रबार प्रदेशको नाम लुम्बिनी र स्थायी राजधानी दाङको देउखुरी कायम गर्दै दर्ता गरेको प्रस्तावमाथिको छलफलको क्रममा प्रतिपक्षीदल र प्रस्ताव उपर असहमति रहेका सत्तापक्षकै सासंद समेत आवाज बुलन्द गरेको थियो । त्यस्तै जनता समाजवादी पार्टी, नेपालका तर्फबाट प्रदेशको नाम थारुहट–अवध–मगरात नामाकरण गर्न माग गर्दै संशोधन प्रस्ताव समेत दर्ता गराएको बुझिएकोछ ।
प्रदेश सभामा कांग्रेसका १९, जनता समाजवादी पार्टीका ६ जना र राष्ट्रिय जनमोर्चाका १ जना सांसद रहेको प्रदेश सभामा ६१ सांसद रहेको सत्तारुढ नेकपाको रहेका छन । प्रस्ताव पास हुनका लागि प्रदेशसभामा रहेका ८७ जना सांसदमध्ये ५८ जनाको मत चाहिन्छ । सबै सांसदले सरकारको प्रस्तावमा मतदान गरेमा राजधानी दाङ र प्रदेशको नाम लुम्बिनी स्वत पारित हुनेछ ।
यसैवीच प्रतिपक्षीदल नेपाली कांग्रेसले प्रदेश नं ५ को स्थायी राजधानी देउखुरीका विपक्षमा मतदान गर्न आफ्ना प्रदेशसभा सदस्यलाई ह्विप जारी गरेको छ ।यद्यपी केन्द्री ह्विप विपरित काँग्रेसका दाङ र बाँके क्षेत्रकाट प्रतिनिधीत्व गर्ने केहि सासदले प्रदेश सरकारको प्रस्तावको पक्षमा मतदान गर्ने तयारी गरेको बुझिएको छ।