काठमाडौ असोज १८,
आईतबार विभिन्न प्रयोगशालामा १२ हजार ७८४ जनाको पिसिआर परीक्षण गर्दा थप २२सय ५३ जनामा कोभिड संक्रमण पुष्टि भएको छ । यसमध्ये काठमाडौं उपत्यकामा मात्र १५९९ जना रहेको जनाउदै मन्त्रालयले देशभर सक्रिय संक्रमितको संख्या २२ हजार २१९ जना रहेको जनाएको छ ।
साथै क्वारेन्टाइनमा रहनेको संख्या ४ हजार २०३ जना त्यस्तै आइसीयूमा २२६ जना र भेन्टिलेटरमा ३४ जनाको उपचार भइरहेको जानकारी दिएको छ । त्यस्तै पछिल्लो २४ घण्टामाकोभिड मुक्त भई १सय २९ जना डिस्चार्ज भएसंगै डिस्चार्ज हुने जम्मा संख्या ६४ हजार ६९ जना पुगको छ ।
साथै ४ महिला र ३ पुरुष गरि ७ जनाको मृत्युभएसंगै नेपालमा कोभिड संक्रमणका कारण मृत्यु हुनेको संख्या ५३५ पुगेको छ । मृत्यु हुनेमा चितवनमा ५५ वर्षीया, बाँकेमा २५ वर्षीया, कञ्चनपुरमा २९ वर्षीया महिला, मकवानपुरमा ५ दिने बालिका, काठमाडौंमा ५५ वर्षीय, ललितपुरमा ७७ वर्षीय र बाँकेमा ६० वर्षीय पुरुष रहेको मन्त्रालयले जनाएको छ।
