काठमाडौं असोज ८ ,
देशका विभिन्न प्रयोशालामा बिहीबार ११ हजार ४४९ जनाको पिसिआर परीक्षणको क्रममा थप १ हजार ४९७ जनामा कोभिड संक्रमण पुष्टि भएसंै कुल संक्रमितको संख्या ६९ हजार ३०१ पुगेको छ ।
त्यस्तै पछिल्लो २४ घण्टामा पहिचान भएका संक्रमित मध्ये काठमाडौं उपत्यकामामा ७५५ जना रहेको र यसमध्ये काठमाडौँमा ६०९ जना, भक्तपुरमा ५१ जना र ललितपुरमा ९५ जना रहेको मन्त्रालयले जनाएकोछ ।
लकडाउन खुलेसंगै यातायात र खुल्ला हुनु र बजारहरुमा देखिएका भिडभाडका कारण उपत्यकामा संक्रमितको संख्या बढ्दै गएका कारण अवस्था निकै जोखिम पूर्ण बन्दै गएको मन्त्रालयले जनाएको छ । त्यसैगरि संक्रमणको सफल उपचारपछि डिस्चार्ज हुनेको संख्या ४५७ रहको छ । योसंगै डिस्चार्ज हुने जम्मा संख्या ५० हजार ४११ पुगेका छ भने देशभर २३२ जना आइसीयूमा र २८ जनाको भेन्टिलेटरमा उपचार भइरहेको छ ।
साथै गत २४ घण्टामा काठमाडौँ उपत्यकाका ६ जना सहित थप १७ जनाको संक्रमितको मृत्यु भएको छ ।