काठमाडौं असोज ६ ,
देशका विभिन्न प्रयोगशालामा गरिएको ११ हजार १५४ जनाको पिसीआर परीक्षणको क्रममा थप १ हजार ३५६ जनामा कोभिड–१९ सङ्क्रण पुष्टि भएको छ । योसँगै हालसम्म देशभर कोभिड सङ्क्रमितको कूल सङ्ख्या ६६ हजार ६३२ पुगेको स्वास्थ्य मन्त्रालयले जाएको छ ।
त्यस्तै आज पहिचान भएका संक्रमित मध्ये काठमाडौ उपत्यकामा थप ६४७ जना सङ्क्रमित रहेको जनाउदै मन्त्रालयले यसमध्ये काठमाडौमा ५११, ललितपुरमा ७३ र भक्तपुरका ६३ जना रहेको जनाएको छ ।
त्यस्तै सक्रिय सङ्क्रमितको सङ्ख्या १८ हजार १४२ रहेको जनाउदै मन्त्रालयले देशभर क्वारेन्टिनमा रहनेको सख्या ७ हजार १७१ जानकारीदिएको छभने २२३ जनाको आइसियुमा र ३७ जना संक्रमितको भेन्टिलेटरमा उपचार भइरहेको जनाएको छ । संस्थागत आइसोलेशनमा ९ हजार १९३ र होम आइसोलेशनमा ८ हजार ९४९ जना रहेका मन्त्रालयले जनाएको छ ।
त्यस्तै गरि कोभिड सङ्क्रमण मुुक्त भएर ८२३ जना संक्रमित डिस्चार्ज भएसंगै सङ्क्रमण मुक्त हुनेको सङ्ख्या ४८ हजार नाघेको जनाउदै गत २४ घण्टामा काठमाडौका ५० वर्षीय पुरुष र काभ्रेपलाञ्चोककी ५० वर्षीया महिला गरि थप २ जनाको मृत्यु भएसँगै मृतकको कूल सङख्या ४२९ पुगेको मन्त्रालयले जनाएको छ ।