काठमाडौं असोज १०,
पछिल्लो २४ घण्टामा देशभरका विभिन्न प्रयोगशालामा गरिएको १० हजार १९ जनाको नमुना परीक्षणको क्रममा थप १२ सय ७ जनामा कोभिड संक्रमण देखिएसंगै मुलुकमा कुल संक्रमित संख्या ७१ हजार ८२१ पुगेको छ।
त्यस्तै १ हजार १४७ संक्रमित कोभिड मुक्त हुँदै डिस्चार्ज भएसंगै डिस्चार्ज हुनेको संख्या ५३ हजार १३ पुगेको मन्त्रालयले जनाएकोछ । त्यस्तै सक्रिय संक्रमितको संख्या १८ हजार ३४१ रहेको र क्वारेनटिनमा ६ हजार ३३१ जना रहेका छन् । होम क्यारेनटिनमा १० हजार ५०८ जना रहेको मन्त्रालयले जनाएको छ।
साथै उपत्यकाका ४ जना सहित देशभर संक्रमणका कारण थप ८ जना संक्रमितको मृत्यु भएसंगै संक्रमणबाट मृत्यु हुनेको संख्या ४६७ पुगेको छ । मृत्यु हुनेमा , काठमाडौमा २० र ७४ वर्षीय, भक्तपुरमा ८८ वर्षीय, मकवानपुरमा ७४ वर्षीय, ललितपुरमा ७६ वर्षीय, सप्तरीमा ६३ वर्षीय, रुपन्देदीमा ७२ वर्षीय र कैलालीमा ३० वर्षीय पुरुष रहेको जनाएकोछ।
