काठमाडौ असोज ९,
देशभरका बिभिन्न प्रयोगशालामा १२ हजार २६२ जनाको पीसीआर बिधिबाट गरिएको नमुना परीक्षणका क्रममा थप १३ सय १३ जनामा कोभिड संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यो संगै नेपालमा कुल संक्रमितको संख्या ७० हजार ६१४ पुगेको मन्त्रालयले जनाएको छ ।
आज पहिचान भएका संक्रमित मध्ये काठमाडौं उपत्यकामा थप ६४५ जना रहेको जनाउदै मन्त्रालयले यसमध्ये काठमाडौंका ५०३, भक्तपुरका ५१ र ललितपुरका ९१ जना रहेको जानकारी दिएको छ ।
त्यस्तै आज काठमाडौं उपत्यककाका २ जनाको निधन भएको छ । मृत्यु हुनेमा काठमाडौंका ७५ वर्षिया महिला र ललितपुरका ५१ वर्षिय पुरुष रहेको मन्त्रालयले जनाएको छ।