आज काठमाडौं उपत्यकामा वर्षकै कम न्यूनतम तापक्रम मापन

काठमाडौ मंसिर १३,  मौसम पूर्वानुमान महाशाखाले देशभर चिसो बढ्न थालेको जनाउँदै आजको विहानीको  उपत्यकाको तापक्रम यस वर्षकै कम अर्थात न्यूनतम तापक्रम ७ डिग्रीमा झरेको जनाएको छ । महाशाखाका अनुसार मापन गरिएको विहानीको तापक्रम यस वर्षकै कम जनाउँदै अव क्रमिक रुपमा चिसो बढ्दै जाने जनाएको छ ।

यसैवीच महाखाले आज बिहान ६ बजे जारी गरेको ३ दिने मौसम पूर्वानुमान वुलेटिनमा हाल नेपालमा पश्चिमि न्यून चापीय प्रणालीको सामान्य प्रभाव सामान्य रहेपनि देशको पश्चिमी भूभाग लगायत मध्य तथा पुर्वी पहाडी भू-भागमा आंसिक देखि सामान्य बदलि रहेको छ भने बाँकी भूभागमा मौसम सामान्यतया सफा रहेको जनाएको छ ।

त्यस्तै जारी ३ दिने वुलेटिनमा आगामी तीन दिनको मौसम पूर्वानुमान अन्र्तगत  मंसिर १३ गते दिउँसो :  देशको पश्चिमी र मध्य पहाडी भूभागमा आंसिक देखि सामान्य बदलि रही पश्चिमी पहाडी भूभागका एक दुइ स्थानमा हल्का बर्षा हुन सक्ने देखिन्छ र बाँकी भू-भागमा मौसम सामान्यतया सफा रहनेछ। । मध्य तथा पश्चिमी हिमाली भुभागका थोरै स्थानहरुमा हल्का देखि मध्यम हिमपातको सम्भावना रहनेछ । राती :   देशको पहाडी भूभागमा आंसिक बदलि रही बाँकी भूभागमा मौसम सामान्यतया सफा रहनेछ ।

मंसिर १४ गते  दिउँसो :  देशको पहाडी भूभागमा आंसिक बदलि रही बाँकी भूभागमा मौसम सामान्यतया सफा रहनेछ । राती :  देशको पहाडी भूभागमा आंसिक बदलि रही बाँकी भूभागमा मौसम सामान्यतया सफा रहनेछ ।

मंसिर १५ गते दिउँसो :  देशको पहाडी भूभागमा आंसिक बदलि रही बाँकी भूभागमा मौसम सामान्यतया सफा रहने जनाक्एो छ । राती :  देशको पहाडी भूभागमा आंसिक बदलि रही बाँकी भूभागमा मौसम सामान्यतया सफा रहने जनाएको छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।