महराले सांसदकारुपमा पाउने सवै सेवा–सुविधा रोक्का

काठमाडौं असोज २३, संसद सचिवालयले सूचना जारी गर्दै बलात्कारको अभियोगमा पक्राउ परेका निवर्तमान सभामुख कृष्णबहादुर महराले सांसदकारुपमा पाउने सेवा–सुविधा स्थगित भएको जनाएको छ ।

संसद सचिवालयकी कर्मचारी रोशनी शाहीमाथि वलात्कारको आभियोगमा  महरालाइ गत असोज १९ गते काठमाडौं जिल्ला अदालतको आदेशानुसार सभामुख निवासबाट जबर्जस्ती करणी उद्योग मुद्दाको अनुसन्धानको लागि पक्राउ गरिएको हो ।

जारी सूचनामा प्रतिनिधिसभा नियमावलीको नियम २४४ उपनियम ३ को प्रयोजनको लागि सूचना प्रकाशन गरिएको छ’–संघीय संसद सचिवालयका महासचिव मनोहरप्रसाद भट्टराईद्वारा हस्ताक्षरित सूचनापत्रमा उल्लेख छ ।

प्रकाशित  सूचनामा  प्रतिनिधिसभा नियमावली, २०७५ को नियम २४४ को उपनियम १ र २ मा कुनैपनि सदस्य पक्राउ परेको जानकारी सभाको अध्यक्षता गर्ने व्यक्तिले प्राप्त गरेमा सदन चालू रहेको अवस्थामा तत्काल सभालाई जानकारी गराउने र चालू नरहेको अवस्थामा सूचना प्रकाशित गरी जानकारी गराउनुपर्ने व्यवस्था रहेको र सोही नियमावलीको नियम २४४ को उपनियम ३ मा सेवा–सुविधा स्थगितको व्यवस्था उल्लेख छ । साथै कुनैपनि सांसद फौजदारी अभियोगमा पक्राउ पर्नेबित्तिकै मुद्दाको किनारा नलाग्दासम्म निजको सांसद पद निलम्बन हुने व्यवस्था रहेको छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।