विधेयकमा व्यवस्था गरिएको प्रेस स्वतन्त्रता विरोधी प्रावधानका विरुद्ध विरोधका कार्यक्रम सार्वजनिक
सरकार प्रेसमैत्री बन्न नसकेको र त्यसका लागि सडक आन्दोलन गर्नुको विकल्प नभएको जिकिर
काठमाडौं बैशाख २७ , नेपाल पत्रकार महासंघ उपलब्ध केन्द्रीय समितिको आज बसेको आकस्मिक बैठकले नेपाल सरकार मन्त्री परिषदवाट पारित भई संसदमा बैशाख २६ गते दर्ता भएको मिडिया काउन्सिल सम्वन्धी विधेयकका प्रावधानप्रति महासंघको गम्भीर ध्यानाकर्षण भएको जनाएको छ ।
महासंघ, प्रेस काउन्सिलसहित सरोकार पक्षसँगको छलफल र सहमतिविना संसदमा दर्ता गरिएको उक्त विधेयकमा व्यवस्था गरिएका प्रावधानहरुले मिडिया काउन्सिललाई सरकार नियन्त्रित अंगकारुपमा स्थापित गर्नुका साथै स्वतन्त्र पत्रकारितामाथि अंकुश लगाउने मनशाय रहेको डहर सहित महासंघले प्रस्तुत विधेयक तत्काल फिर्ता लिई सरोकार पक्षसमेतको छलफल र सहमतिमा नेपालको संविधानको मूल भावना, प्रेस तथा अभिव्यक्ति स्वतन्त्रता सम्वन्धी अन्तराष्ट्रिय मूल्य, मान्यताका आधारमा पुनः विधेयक मस्यौदा गर्न सरकारसँग जोडदार माग गरेको छ ।
त्यस्तै बैठकले संसदमा विचाराधिन अवस्थामा रहेका विज्ञापन सम्वन्धी ऐन र सूचना प्रविधि सम्वन्धी ऐनमा प्रेस स्वतन्त्रता विरोधी दफा सच्चाउन समेत माग गर्दै मस्यौदा हुँदै गरेका आम संचार ऐन र सार्वजनिक सेवा प्रसारण ऐनका सम्वन्धमा सबै सरोकारवाला पक्षसँग छलफल र सहमति कायम गर्दै प्रेस तथा अभिव्यक्ति स्वतन्त्रताको निर्वाध प्रयोग, संरक्षण र संवद्र्धनका लागि महासंघले सरकार र सम्वद्ध सबै पक्षको गम्भीर ध्यानाकर्षण गराएको छ ।
साथै महासंघले सञ्चार सम्वद्ध विभिन्न संघ, संगठन र संस्थाका अध्यक्ष तथा प्रतिनिधिहरुसँग संयुक्त बैठक बस्यो । उक्त बैठकमा प्राप्त सुझाव समेतका आधारमा मिडिया काउन्सिल विधेयकमा व्यवस्था गरिएको प्रेस स्वतन्त्रता विरोधी प्रावधानका विरुद्ध विरोधका कार्यक्रमसमेत सार्वजनिक गरेको छ ।
सार्वजनिक गरिएका संघर्षका कार्यक्रममा क्रमस बैशाख २९ गतेः महासंघका पूर्व पदाधिकारी, संचारमाध्यमका सम्पादक, कानूनविद र विज्ञहरुसँग छलफल । बैशाख ३० गतेः संसदका सम्माननीय सभामुख, राष्ट्रिय सभाका सम्माननीय अध्यक्षलाई ज्ञापनपत्र बुझाइने । बैशाख ३१ गतेः संसदका सम्वन्धित समितिका सभापति र सदस्यहरुसँग छलफल । जेठ १ गतेः कार्यक्षेत्रमा कालोपट्टी लगाएर काम गर्ने । महासंघ केन्द्रीय कार्यालय, प्रदेश कार्यालय र शाखा कार्यालयमा सरोकार पक्षबीच बृहद छलफल कार्यक्रम आयोजना गर्ने । जेठ ३ गते काठमाडौंमा संसद वाहिर र जिल्लाहरुमा सदरमुकाममा संचार साधनसहित बृहद प्रदर्शन गर्ने रहेको छ ।
यसअघि सञ्चार तथा सूचना प्रविधि मन्त्रालयले हालको प्रेस काउन्सिललाई विस्थापित गर्नेगरी सङ्घीय संसद सचिवालयमा दर्ता गराएको नेपाल मिडिया काउन्सिल सम्बन्धि विधेयकमा आमसञ्चार माध्यम र पत्रकारलाई १० लाख रुपैयाँसम्म जरीवाना गराउन सक्ने प्रावधान राखिएको छ ।
सो विधेयकले पत्रकारहरुको घाटी निमोठ्ने काम गरेको भन्दै पत्रकार महासंघले शुक्रबार महासंघको कार्यालयमा सबै संघ संगठनका प्रतिनिधिसहित छलफलको आयोजना गरेको थियो । छलफलमा विभिन्न संघ संगठनका प्रतिनिधिहरुले सरकारले संसदमा पेश गरेको विधेयक फिर्ता गराउन र सरकारले पेश गर्न लागेका विभिन्न विधेकहरु प्रेसमैत्री बनाउन दवाव दिनुको विकल्प नभएको बताउँदै नेपाल पत्रकार महासंघका अध्यक्ष गोविन्द आचार्यले संसदमा पेश भएको सो विधेयक नेपालको संविधान र संसारमै कतै नभएको कुरा उल्लेख गरेकाले त्यसलाई फिर्ता गराउनुको अर्को विकल्प नभएको बताए । उनले यदी सरकारले संसदमा पेश भएको विधेयक फिर्ता नलिइ जस्ताको तस्तै पारित गरे महासंघ र सरोकारवालासँग मिलेर छुट्टै संहिता बनाएर जाने चेतावनी पनि दिए ।
प्रेस काउन्सिल नेपालका कार्यबहाक अध्यक्ष किशोर श्रेष्ठले सरकारले प्रेस काउन्सिलले पेश गरेको सुझाव ८० प्रतिशत कटौती गरेर पेश गरिएकाले काउन्सिलले यस विषयमा सहमत नभएको बताए । उनले जुनसुकै तरिकाले पनि प्रेस विरोधी कानुन ल्याइने पनि मान्न नसकिने बताए ।
कार्यक्रममा प्रेस चौतारीका अध्यक्ष गणेश बस्नेतले संसदमा पेश भएको विधेयक पत्रकारिता छाडेका, कहिले पत्रकारिता गर्न नखोज्ने र पत्रकारिताबाट विलय भएका व्यक्तिले बनाए जस्तो भएकाले यसलाई तुरुन्तै संसदबाट फिर्ता गराउनुपर्ने बताए । उनले अहिले संसदमा पेश भएको विधेयक प्रधानमन्त्री केपी शर्मा ओली र यो सरकारले ल्याएका राम्रो कामलाई ओझेलमा पार्न र बदनाम गराउने उदेश्यले ल्याएको आरोप लगाए ।
नेपाल प्रेस युनियनका अध्यक्ष बद्री सिग्देलले अहिलेको सरकारले जस्तो प्रेस विरोधी कानुन शाही कालमा पनि नआएको बताए । उनले संसदमा पेश भएको नेपाल मिडिया काउन्सिल विधेयक मिनी कु’ जस्तै भएको बताए । त्यस्तै बरिष्ठ पत्रकार दामोदर दवाडी ,प्रगतिशील पत्रकार संघका अध्यक्ष नारायण शर्मा लगायतले सरकार प्रेसमैत्री बन्न नसकेको र त्यसका लागि सडक आन्दोलन गर्नुको विकल्प नभएको बताए ।
तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।
- पत्रकारको साझा संस्था पत्रकार महासंघ स्थापनाको ६९औं वर्षमा
- संस्थागत विद्यालयको नाममा नेपालीपन झल्कने गरी राख्न महानगरको निर्देशन
- प्रदेश र स्थानीय तहको वित्तीय अनुदान स्वीकृत गर्ने सरकारको निर्णय
- उपनिर्वाचन: इलाम–२ मा लिम्बू रास्वपाको उम्मेदवार घोषित
- बागमती प्रदेशका मुख्यमन्त्री जम्कट्टेल नेतृत्वको सरकार विस्तार
- किसान विरोधी भूमि बैक कार्यक्रम अविलम्ब खारेज गर्न माग
- दूरसञ्चार प्राधिकरणका अध्यक्षद्वय सहित १९ जनाविरुद्ध भ्रष्टाचार मुद्दा दायर
- विकास निर्माणका क्षेत्रमा धेरै काम गर्न बाँकी छ : प्रधानमन्त्री
- स्वास्थ्यमन्त्री यादवलाई रास्वपाले ध्यानाकर्षण सहित बुझायो २६ बुँदे सुझाव
- प्रधानमन्त्री प्रचण्ड र प्रतिपक्षी दलका नेता देउवाबीच भेटवार्ता
- मुलुकको निरन्तर अधोगतिप्रति अब हामी मौन रहन सक्दैनौं : पूर्वराजा शाह
- राष्ट्रियता बिनाको प्रजातन्त्र कागजी सिद्धान्त : पूर्वराजा शाह
- यस्तो छ संसद पुनःस्थापना फैसलाको १५ पृष्ठ लामो फैसलाको पूर्ण पाठ
- वर्ष ०७७को बडादसैँ सुरु, बिहान ११ः४६ को शुभ साइतमा घटस्थापना गरि मनाइदै
- संघीय संसदको छैठौँ तथा बजेट अधिवेशन सुरु [हेर्नुस प्रत्यक्ष प्रशारण ]
- कसैले कसैलाई निषेध गर्ने सोचको आयु समाप्त भएको यथार्थलाई आत्मस्वीकार गर्न पूर्वराजा शाहको आग्रह
- कोभिड -१९ रोकथाम, नियन्त्रण तथा उपचार कोषमा पूर्वराजा ज्ञानेन्द्र शाहबाट २ करोड सहयोग
- सर्वहितकारी ‘प्रजातन्त्रिक धर्म’को निर्वाह गरौ : पूर्वराजा शाह
- अन्तत सरकारले ग-यो पृथ्वी जयन्तीको दिन सार्वजनिक बिदाको निर्णय
- आज पहिलो चरण अन्र्तगत ३२ जिल्लामा निर्वाचन , तीनवटा मतपत्रबाट चार प्रतिनिधिको चयन गर्दै
- मस्जिद देखी मन्दिर सम्मको यात्रा : विवाद उत्सवमा परिणत
- श्री ५ बडामहाराजधिराजको दिव्य उपदेशका उपेक्षाका कारण मुलुकमा अनेकन संकट बढ्यो : पूर्वराजा शाह
- मुलुकको राजनीति राष्ट्रकेन्द्रित र जनहित अनुकुल छ वा छैन त्यसको समीक्षा गर्न ढिला भयो : पूर्व राजा ज्ञानेन्द्र शाह
- राष्ट्र निर्माणका लागि योगदान गर्ने वीर वीरङ्गनाको उत्सर्ग किमार्थ नजरअन्दाज गर्न हुन्न : ज्ञोन्द्र शाह
- शुक्रवार राति १० बजेदेखि शनिबार बिहान ४ः ४५ सम्म उल्का वर्षा हुने
- शक्तिस्वरूपाको टीका, जमरा ग्रहणको लागि उत्तम साइत बिहान ११ बजेर ५५ बजे
- विजया दशमी २०७४को शूभकामना दिदै पूर्वराजा शाहले भने – राज्यप्रतिको विश्वास र भरोशामा ह्रास आउनू देशका लागि शूभ संकेत होइन
- १३६ स्थानीयतहको मतपरिणाम सार्वजनिक, काँग्रेस पहिलो , एमाले पाँचौ स्थानमा
- तृष्णा शाक्य नयाँ जीवित देवी कुमारी घोषित , राष्ट्रपतिसंग भेटवार्ता
- राष्ट्रियतालाई एकताबद्ध बनाउ सकारात्मक भूमिका खेल्न सञ्चार क्षेत्रलाई राष्ट्रपतिको आह्वान