काठमाडौं माघ १७, सधैँ व्यस्त रहने नयाँ बानेश्वरस्थित छक्कुबक्कु पार्कमा मंगलबार ‘जुत्ता पोलिस’ गर्नेहरूको संख्या ठूलो थियो । सर्वसाधारणलाई ‘जुत्ता पोलिस’ गर्न आग्रह गर्दै थिए, देशकै चर्चित राजनीतिज्ञहरू । कांग्रेस केन्द्रीय सदस्यद्वय चन्द्र भण्डारी र धनराज गुरुङ, पूर्वसभामुख दमननाथ ढुंगाना, वरिष्ठ अधिवक्ता तथा पूर्वसांसद राधेश्याम अधिकारी, पाँचखाल नगरपालिकाका नगरप्रमुख महेश खरेललगायत नेताहरू हातमा ब्रस र भुइँमा कागज राखेर लहरै बसेका थिए । उनीहरूले यो बाटो भएर हिँड्ने थुप्रैको ‘जुत्ता पोलिस’ गरे । राजनीतिक शुद्धीकरणका लागि प्रतीकात्मक रूपमा दबाब दिन कृष्णप्रसाद भट्टराई प्रतिष्ठानले ‘जुत्ता पोलिस’ कार्यक्रम आयोजना गरेको होे ।
पूर्वसभामुख ढुंगानाको अध्यक्षतामा गठित प्रतिष्ठानले आफैँबाट राजनीतिक शुद्धीकरणको सुरुवात गर्न भन्दै यस्तो कार्यक्रम राखेको हो । कार्यक्रममा मानवअधिकारवादी, कांग्रेस कार्यकर्ता, राजनीतिक व्यक्तित्व मात्रै सहभागी भएनन्, त्यो बाटो हिँड्ने सर्वसाधारणले पनि स्वतःस्फूर्त रूपमा सहभागिता जनाए । किसुनजीजस्ता नेताको आचरण र सिद्धान्त अहिलेको पुस्तालाई बुझाउनका लागि कार्यक्रम आयोजना गरिएको आयोजक संस्थाले जनाएको छ । ‘यो सांकेतिक हो । किसुनजीजस्ता सन्त नेताको आचरण र सिद्धान्त पुस्तान्तरण गर्न प्रतीकात्मक कार्यक्रम सुरु गर्यौँ,’ प्रतिष्ठानका महासचिव विनोद भट्टराईले भने, ‘राजनीतिक शुद्धीकरणको सुरुवात आफैँबाट गर्नुपर्छ भन्ने अवधारणास्वरूप प्रतिष्ठानले पहिलो कार्यक्रम नै प्रतीकात्मक गर्यो ।’
आफैँ जुत्ता पोलिस गर्थे किसुनजी : नाताले किसुनजीका भतिजा पर्ने विनोद भण्डारीले प्रधानमन्त्री छँदा किसुनजीले देखाएको आचरणबाट अहिलेको पुस्ताले सिक्नुपर्ने बताए । ‘किसुनजी आफ्नो जुत्ता आफैँ पोलिस गर्नुहुन्थ्यो । उहाँले प्रधानमन्त्री छँदा पनि आफैँ पोलिस गर्नुभयो,’ उनले भने, ‘उहाँमा नैतिकता थियो । धनसम्पत्तिको लोभ नगरी देश र जनताको सेवालाई प्राथमिकतामा राख्नुभयो ।’ प्रतिष्ठानका अध्यक्ष तथा पूर्वसभामुख दमननाथ ढुंगानाले किसुनजीले पटक–पटक प्रधानमन्त्री हुँदा पनि विपक्षीसमेतलाई औँला ठड्याउने मौका नदिएको बताए । ‘नयाँ संरचना र जनप्रतिनिधि हामीले पाएका छौँ । किसुनजीझैँ नैतिकता नै तिनको प्राण हो,’ ढुंगानाले भने । जुत्ता पोलिस गर्ने कार्यक्रममा सहभागी कांग्रेस केन्द्रीय सदस्य चन्द्र भण्डारीले भ्रष्टाचारले राजनीतिलाई अशुद्ध बनाएको बताए ।
‘अहिले पार्टीमा भ्रष्टीकरण बढेर चुनावमा प्रतिस्पर्धा गर्नका लागि ठेकेदार र पैसावाल हुनुपर्ने बाध्यता बन्दै छ,’ भण्डारीले भने, ‘बिपीको विचार र अहिलेका डनलाई भागबन्डा, सुवर्ण शमशेरको दानवीरता र अहिलेको ठग प्रवृत्ति, किशुनजीको राष्ट्रियताप्रतिको अठोट र अहिलेको नागरिकता बेचेर खाने प्रवृत्ति, गणेशमानजीको त्याग, समर्पण र अहिलेको लुट्ने प्रवृत्तिलाई प्रतीकात्मक रूपमा देखाउन खोजेका हौँ ।’ केन्द्रीय सदस्य धनराज गुरुङले राजनीतिलाई शुद्धीकरण गर्ने उद्देश्यले सहिद दिवसको अवसर पारेर सांकेतिक कार्यक्रम सुरु गरिएको बताए ।
‘भ्रष्ट हुँदै गएको राजनीतिलाई व्यंग्य गर्न खोजेका हौँ,’ कृष्णप्रसाद भट्टराई राजनीतिक रूपमा शुद्ध र नैतिकवान् हुनुहुन्थ्यो । उहाँ आजीवन आश्रममा बस्नुभयो, त्यहीँ अन्तिम श्वास लिनुभयो । दुई–दुईपटक प्रधानमन्त्री बनेको व्यक्ति कहिल्यै लोभमा लाग्नुभएन । उहाँबाट राजनीति गर्नेले सिक्नुपर्छ भन्ने हाम्रो कार्यक्रमको सन्देश हो ,’ उनले भने ।
यसरी बन्यो योजना: जुत्ता पोलिस कार्यक्रमको योजना पाँचखाल नगरपालिकाका मेयर तथा कृष्णप्रसाद भट्टराई प्रतिष्ठानका सचिव महेश खरेलले ल्याएका हुन् । उनले भट्टराईको प्रेरणाबाटै राजनीतिमा लागेको बताए । २०४७ सालमा गठित ‘बाल कांग्रेस’का संयोजक खरेलले आफूहरूलाई कार्यक्रम गर्ने रकम जुटाइदिन आग्रह गर्दै तत्कालीन प्रधानमन्त्री भट्टराईलाई आग्रह गर्न गएको घटना सम्झिए ।
खरेलका अनुसार भट्टराईले रकमको व्यवस्था गरिदिनुको साटो बालसमूहलाई सुकुमबासी बस्तीका बालबालिकालाई ट्युसन पढाउन सुझाब दिएका थिए । ‘हामीले आफैँ पढ्ने उमेरमा कसरी पढाउन सकिन्छ भनेर प्रश्न गर्यौँ रु’ २७ वर्षअघिको घटना सम्झँदै खरेलले नयाँ पत्रिकासँग भने, ‘बानेश्वर, न्युरोडजस्ता भिडभाडवाला इलाकामा जुत्ता पोलिस गर, त्यहाँबाट उठेको रकमले शिक्षकको व्यवस्था गर भनेर किसुनजीले सुझाब दिनुभयो । त्यो समयमा लाजले गर्दा सकिएन । अहिले त्यसैलाई निरन्तरता दिनका लागि कार्यक्रम गर्ने ‘कन्सेप्ट’ ल्याएँ ।’
उनले आफूलाई किशोरावस्थामै भट्टराईको भनाइ र जीवनशैलीले प्रभाव पारेकाले राजनीतिक शुद्धीकरणको प्रतीकात्मक सुरुवात गर्नका लागि यस्तो कार्यक्रमको अवधारणा ल्याएको बताए । प्रतीकात्मक रूपमा गरिएको जुत्ता पोलिसबाट उठेको रकम सामाजिक कार्यका साथै किसुनजीको सिद्धान्त प्रचारमा खर्च गरिने खरेलले जानकारी दिए । कार्यक्रममा झन्डै ३१ हजार रुपैयाँ उठेको उनले बताए । जुत्ता पोलिस गराएका कांग्रेसका पुराना नेता राजेन्द्र खरेलले ज्यालाका रूपमा ५ हजार रुपैयाँ र लक्ष्मी थापामगरले २ हजार रुपैयाँ दिएका थिए । नयाँपत्रिकाबाट
तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।
- राष्ट्रपति पौडेल र कतारका अमिर अल थानीबीच भेटवार्ता
- कतारका राजा थानी शीतल निवासमा, राष्ट्रपति पौडेलसँग भेटवार्ता सुरु
- कतारका राजा नेपालमा, राष्ट्रपति पौडेलबाट स्वागत
- जर्मनीको फ्रयान्कफर्टमा रन्जुको एकल चित्रकला प्रर्दशनी
- विकास र समृद्धिका लागि निजी क्षेत्रलाई कन्ट्रोल होइन, सहजीकरण गरौँ प्रधानमन्त्री
- राष्ट्रपति पौडेलले कतारका राजा थानीको स्वागत गर्ने, यस्तो छ भ्रमण तालिका
- आज १८ औँ लोकतन्त्र दिवस मनाइँदै
- आज बालाजु २२ धारा मेला र हनुमान जयन्ती मनाइदैँ
- नेपाल ऐनलाई संशोधन गर्न बनेको अध्यादेश जारी गर्न राष्ट्रपति समक्ष पेस गर्ने सरकारको निर्णय
- राजनीतिक दलमा आबद्ध शिक्षकलाई कारबाही गर्न मन्त्रालयको कडा निर्देशन
- मुलुकको निरन्तर अधोगतिप्रति अब हामी मौन रहन सक्दैनौं : पूर्वराजा शाह
- राष्ट्रियता बिनाको प्रजातन्त्र कागजी सिद्धान्त : पूर्वराजा शाह
- यस्तो छ संसद पुनःस्थापना फैसलाको १५ पृष्ठ लामो फैसलाको पूर्ण पाठ
- वर्ष ०७७को बडादसैँ सुरु, बिहान ११ः४६ को शुभ साइतमा घटस्थापना गरि मनाइदै
- संघीय संसदको छैठौँ तथा बजेट अधिवेशन सुरु [हेर्नुस प्रत्यक्ष प्रशारण ]
- कसैले कसैलाई निषेध गर्ने सोचको आयु समाप्त भएको यथार्थलाई आत्मस्वीकार गर्न पूर्वराजा शाहको आग्रह
- कोभिड -१९ रोकथाम, नियन्त्रण तथा उपचार कोषमा पूर्वराजा ज्ञानेन्द्र शाहबाट २ करोड सहयोग
- सर्वहितकारी ‘प्रजातन्त्रिक धर्म’को निर्वाह गरौ : पूर्वराजा शाह
- अन्तत सरकारले ग-यो पृथ्वी जयन्तीको दिन सार्वजनिक बिदाको निर्णय
- आज पहिलो चरण अन्र्तगत ३२ जिल्लामा निर्वाचन , तीनवटा मतपत्रबाट चार प्रतिनिधिको चयन गर्दै
- मस्जिद देखी मन्दिर सम्मको यात्रा : विवाद उत्सवमा परिणत
- श्री ५ बडामहाराजधिराजको दिव्य उपदेशका उपेक्षाका कारण मुलुकमा अनेकन संकट बढ्यो : पूर्वराजा शाह
- मुलुकको राजनीति राष्ट्रकेन्द्रित र जनहित अनुकुल छ वा छैन त्यसको समीक्षा गर्न ढिला भयो : पूर्व राजा ज्ञानेन्द्र शाह
- राष्ट्र निर्माणका लागि योगदान गर्ने वीर वीरङ्गनाको उत्सर्ग किमार्थ नजरअन्दाज गर्न हुन्न : ज्ञोन्द्र शाह
- शुक्रवार राति १० बजेदेखि शनिबार बिहान ४ः ४५ सम्म उल्का वर्षा हुने
- शक्तिस्वरूपाको टीका, जमरा ग्रहणको लागि उत्तम साइत बिहान ११ बजेर ५५ बजे
- विजया दशमी २०७४को शूभकामना दिदै पूर्वराजा शाहले भने – राज्यप्रतिको विश्वास र भरोशामा ह्रास आउनू देशका लागि शूभ संकेत होइन
- १३६ स्थानीयतहको मतपरिणाम सार्वजनिक, काँग्रेस पहिलो , एमाले पाँचौ स्थानमा
- तृष्णा शाक्य नयाँ जीवित देवी कुमारी घोषित , राष्ट्रपतिसंग भेटवार्ता
- राष्ट्रियतालाई एकताबद्ध बनाउ सकारात्मक भूमिका खेल्न सञ्चार क्षेत्रलाई राष्ट्रपतिको आह्वान