पूर्वाग्रह र प्रतिशोधबाट निर्देशित गतिविधि बन्द गर्न सरकारलाई एमालेको ध्यानाकर्षण

काठमाडौं माघ ९,  गत मंसिर २१ गते सम्पन्न प्रतिनिधीसभाको निर्वाचनमा ललितपुर क्षेत्र न १ बाट निर्वाचित सांसद एवम् नेपाल प्रहरीका पूर्व डिआइजी नवराज सिलवाललाइ पक्राउ गर्न इन्टरपोलले डिफ्युजन नोटिस जारी गरेको छ । इन्टरपोलले नेपाल प्रहरीको सिफारिसमा सिलवालले बढुवाको लागि कार्य सम्पादन मुल्याङ्खकन फाइल किर्ते गरेको आरोपमा सर्वोच्च अदालतले उपस्थित हुन भने पनि सिलवाल फरार भएपछि यस्तो नोटिस जारी गरेको हो । जारी नोटिस अनुसार १ सय ९२ देशका प्रहरी सदस्य रहेको इन्टरपोलमार्फत सिलवालको खोजी सुरु हुनुको अलावा सदस्य देशका कनैपनि प्रहरी संगठनले ग सिलवाललाई पक्रेर नेपाल प्रहरीलाई बुझाउन सक्नेछन् ।

यसअघि देशभित्रै रहेको आशंकामा नेपाल प्रहरीले सातै प्रदेशमा पत्राचार गर्दै सिलवाललाई पक्राउ गर्न सर्कुलर जारी गरेको थियो । तर सर्कुर्लर बाट कुनै उपलब्धि नभएपछि नेपाल प्रहरीले इन्टरपोलको सहयोग माग गरेको हो ।

 यसैवीच सांसद नवराज सिलवालविरुद्ध डिफ्युजन नोटिस जारी गरेको समाचारप्रति नेकपा एमालेले गम्भिर ध्यानाकर्षण भएको जनाएको छ ।
ललितपुर क्षेत्र नम्बर १ बाट प्रतिनिधि सभा सदस्यमा निर्वाचित सांसद सिलवालविरुद्ध डिफ्युजन नोटिस जारी गरेको विषय जनताको अभिमतको अपमान भएको एमालेको स्थायी कमिटीले ठहर गरेको हो ।

बैठकपछि पार्टी सचिव प्रदीप ज्ञवालीलले जारी गरेको विज्ञप्तिमा सिलवालविरुद्ध पूर्वाग्रह र प्रतिशोधबाट निर्देशित भएर गतिविधिहरु भइरहेको पनि आरोप लगाउँदै विज्ञप्तिमा भनिएको छ, ललितपुर– क्षेत्र नं १ बाट नेकपा  एमालेका तर्फबाट प्रतिनिधिसभा सदस्यका रुपमा निर्वाचित नवराज सिलवालविरुद्ध नेपाल प्रहरीको आग्रहमा इन्टरपोलले ‘डिफ्युजन नोटिस’ जारी गरेको भनी प्रकाशित समाचारप्रति बैठकको गंभीर ध्यानाकर्षण भएको छ । इन्टरपोललाई समेत अतिरञ्जित सूचना दिई भइरहेका यस्ता क्रियाकलापले जनताको अभिमतलाई अपमानित गरेको र नवनिर्वाचित जनप्रतिनिधि विरुद्ध भइरहेका यी गतिविधिहरु पूर्वाग्रह र प्रतिशोधबाट निर्देशित छन् भन्ने निष्कर्ष सहित बैठकले सरकारलाई यस्ता गतिविधि बन्द गर्न ध्यानाकर्षण गरेको छ ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।