आज बस्ने भनिएको म.प बैठक बुधवार विहान बस्ने गरि स्थगन

 काठमाडौं माघ २ , प्रदेश प्रमुख र अस्थायी राजधानी तोक्नका लागि दलीय सहमति जुट्न नसक्दा आज बोलाइएको मन्त्रिपरिषद् बैठक स्थगित गरिएको छ । प्रदेश प्रमुख र अस्थायी राजधानी तोक्नका लागि प्रम देउवाले आज अपरान्ह मप बैठक बोलाउनु भएको थियो । प्रधानमन्त्री शेरबहादुर देउवाले प्रदेश प्रमुखको नियुक्तिमा दलीय सहमति खोजे पनि त्यो सफल हुन नसकेपछि मन्त्रिपरिषद् बैठक बुधवार विहान बस्ने गरि स्थगन गरिएको हो ।

प्रदेश प्रमुख र अस्थायी मुकाम तोक्न विपक्षी दलको पनि सहमति खोज्न प्रधानमन्त्री देउवाले एमाले र माओवादी केन्द्रका नेतासँग औपचारिक संवादको प्रयास गरे पनि आज सफल हुन नसकेपछि मन्त्रिपरिषद बैठक नै  सारिएको बुझिएको  छ ।

एमाले र माओवादी केन्द्रले संवैधानिक रुपमा प्रदेश प्रमुख र अस्थायी राजधानी निर्धारण गर्ने अधिकार सरकारलाई मात्र भएको बताउँदै त्यसमा आफ्नो सहमति नचाहिने बताउँदै आएका छन् ।  स्मरण रहोस सरकारले प्रदेश प्रमुख नतोक्दा निर्वाचन आयोगले प्रदेशसभा समानुपातिक तर्फको निर्वाचन परिणाम बुझाउन पाएको छैन ।

तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।