काठमाडौ पुस ३, कीर्तिपुरस्थित त्रिवि क्रिकेट मैदानमा आजबाट शुरु भएको एभरेष्ट प्रिमियर लिग (इपिएल) क्रिकेट प्रतियोगिताको उद्घाटन खेलमा ललितपुर प्याट्रियट्स विजयी भएको छ । टस जितेर बलिङ रोजेको ललितपुरले काठमाडौ किङ्स इलाभेनलाई ७ विकेटले पराजित गरेको हो । काठमाडौँले दिएको ९० रनको लक्ष्यलाई ललितपुरले १६.३ ओभरमा तीन विकेट गुमाउँदै पुरा ग-यो । खेलमा ललितपुरका लागि भारतीय खेलाडी जयकिसन कोल्सावालाले अविजित ४४ रनको योगदान दिए । उनले ४७ बलमा दुई छक्का र चार चौका प्रहार गरे । कप्तान ज्ञानेन्द्र मल्लले २० र राजवीर सिंहले १४ रन बनाएका थिए ।
त्यसअघि ब्याटिङ गरेको काठमाडौँले १८.३ ओभरमा सबै विकेट गुमाउँदै ८९ रन बनाएको थियो । प्रतियोगितामा ललितपुरका ललितनारायण म्यान अफ दी म्याच घोषित भएसंगै १० हजार पुरस्कार पाए । भोली पहिलो खेल चितवन टाइगर्स र पोखरा राइनोजका बीच त्यस्तै दोस्रो खेल विराटनगर वारियर्स र ललितपुर प्याट्रियट्सका बीच हुनेछ ।
तपाईं फेसबुक, युट्युव मार्फत् पनि हामीसंग जोडिन सक्नुहुन्छ ।