नुवाकोट मंसिर १० , आज प्रतिनिधिसभा र प्रदेशसभाको पहिलो चरणको निर्वाचन अन्र्तगत विदुर नगरपालिकाको चण्डेश्वरी मतदानस्थलबाट मतदान सम्पन्नपछि मतपेटिका लिएर सदरमुकाम आउँदै गरेको टोलीलाई लक्षित गरी साँझ बम प्रहार भएको छ ।
नुवाकोट प्रहरीका अनुसार सदरमुकाम विदुरतर्फ मतपेटिका लिएर आउँदै गरेको दलका प्रतिनिधि तथा सुरक्षाकर्मीलाइ लक्षित गरि ठूलो आवाजमा वम विस्फोट गराईएको बताईएको छ । बम विस्फोट भए पनि कुनै मानवीय र भौतिक क्षति नभएको जनाउँदै जिल्ला प्रहरी कार्यालय नुवाकोटले यस सम्बन्धमा अनुसन्धान सुरु गरिसकेको जनाएको छ ।