शुक्रबार, चैत्र १६, २०८०

दमननाथले भने – म टुरिष्ट उम्मेदवार होइन

भक्तपुर कार्तिक २०, भक्तपुर क्षेत्र नं २ का प्रतिनिधि सभा सदस्य पदका उम्मेदवार दमननाथ ढुंगानाले आफू टुरिष्ट तथा पाहुना उम्मेदवार नभएको प्रष्ट पार्नुभएको छ ।  रफत सञ्चार क्लबमा आज आयोजित साक्षात्कार कार्यक्रममा बोल्दै पूर्व सभामुख समेत रहेका ढुंगानाले भक्तपुरमा आफनो राजनीतिक लगानी भएको   स्पष्ट पार्नु भएको हो ।

 भक्तपुर क्षेत्र नं २ बाट निर्वाचन जितेर राष्ट्रिय राजनीतिलाई नै सफा पार्ने प्रतिवद्धता अनुरुप    बिशिष्ट परिस्थितिलाई ध्यानमा राखेर पार्टीले आफूलाई उम्मेदवारी दिएको जनाउ दिदै    उहाँले  पार्टीले काठमाडौ २ बाट उम्मेदवार बन्न आग्रह गरेता पनि  करिब २३ बर्षपछि राजनीतिमा आफूले नै भक्तपुर २ रोजेर आएको उहाँले बताउनुभयो ।

नेमकिपाको समर्थनमा उम्मेद्वारी दिएको भन्ने सञ्चारकर्मीको जिज्ञासामा ढुंगानाले भन्नु भयो ‘आफ्नै उम्मेद्वार उठाएको नेमकिपाले काँग्रेसलाई किन मतदान गर्छ ।’ नारायणमान जी उहाँ मेरो साथी मात्र हो, ढुंगानाले भन्नुभयो ‘राजनीतिक हिसाबमा हामी फरक छौ ।’

यस्तै साक्षात्कार कार्यक्रममा  एमालेका उम्मेदवार महेश बस्नेतले भक्तपुर राजधानी नजिकैको जिल्ला भएर पनि विकास निर्माणमा बत्ति मुनिको अध्यारो जस्तै भएको बताउनुभयो । भक्तपुरको समग्र विकासका लागि एमाले नै सक्रिय भइरहेकोले आगामी निर्वाचनमा पनि एमालेलाई विजयी गराउन मतदाताहरुलाई उहाँले अनुरोध समेत गर्नुभयो ।