काठमाडौ मंसिर ४, निर्वाचन आयोगले मंसिर १० र २१ गते दुई चरणमा हुने प्रतिनिधिसभा तथा प्रदेशसभा सदस्य निर्वाचनको समानुपातिक निर्वाचन प्रणालीतर्फ राजनीतिक दलहरूले पेश गरेका बन्दसूचीमा रहेका उम्मेदवारहरूको अन्तिम नामावली आइतवार सार्वजनिक गरेको छ । आयोगले सार्वजनिक गरिएको बन्दसूचीमा प्रतिनिधिसभा सदस्यतर्फ दुई हजार २७३ उम्मेदवार र प्रदेशसभा सदस्यका लागि तीन हजार ५६५ उम्मेदवार कायम रहेका छन् ।
बन्दसूचीको अन्तिम नामावलीका लागि यहाँ क्लिक गर्नु होला ।
आयोगको विज्ञप्तिमा उल्लेख भएअनुसार प्रदेश नं १ मा ५७७, प्रदेश नं २ मा ८०४, प्रदेश नं ३ मा ७७४, प्रदेश नंं ४ मा ३१९, प्रदेश नं ५ मा ६०४, प्रदेश नं ६ मा २०६ र प्रदेश नं ७ मा २८१ उम्मेदवार कायम रहेका छन् । सार्वजनिक अन्तिम बन्दसूचीमा यसअघि प्रारम्भिक बन्दसूचीमा रहेका प्रतिनिधिसभा र प्रदेशसभा सदस्यका उम्मेदवारमध्ये २५६ जना उम्मेदवारको नाम हटेको छ । यसअघि, दलहरूले २०७४ असोज २९ गते पेश गरेका उम्मेदवारको बन्दसूचीको प्रारम्भिक विवरण आयोगले गत कात्तिक १७ गते सार्वजनिक गरेको थियो ।