काठमाडौ असोज २७, प्रधानमन्त्री शेरबहादुर देउवाले राष्ट्रिय प्रजातन्त्र पार्टीका अध्यक्ष कमल थापासहित सांसदहरूलाई आज मन्त्रिपरिषद्मा थप गर्न सिफारिश गरेलगत्तै राष्ट्रपति विद्यादेवी भण्डारीले प्रम देउवाको मन्त्रीपरिषद विस्तारको बैधानिकताको सवालमा निर्वाचन आयोग र कानुनविद्सँग परामर्शको तयारी गर्नु भएको छ ।
त्यस्तै सञ्चारमाध्यममा शनिबार नयाँ मन्त्रीहरूको शपथग्रहण कार्यक्रम हुने भनी दिएका समाचारमा कुनै सत्यता नभएको जनाउँदै राष्ट्रपतिको कार्यालयले प्रतिनिधिसभा र प्रदेशसभाको निर्वाचनको आचारसंहिता जारी भएको स्थितिमा मन्त्रिमण्डल विस्तारबारे निर्वाचन आयोगका प्रमुख आयुक्त, आयुक्तहरू र कानूनविज्ञसँग छलफल गरेर शपथ ग्रहणबारे राष्ट्रपतिले निर्णय गर्ने जनाएको छ । प्रधानमन्त्री शेरबहादुर देउवाले राप्रपाका अध्यक्ष कमल थापा सहित ३ मन्त्री र ४ राज्यमन्त्रीलाइ सरकरकामा सामेल गर्दै सरकारको विस्तार गर्नु भएको छ ।