भक्तपुर असोज २७, नेकपा माआवादी केन्द्रका प्रवक्ता पम्फा भूसालले बाम गठबन्धन बिदेशीको इशारामा नबनेको बताउनु भएको छ । रफत सञ्चार क्लबले आयोजना गरेको साक्षात्कार कार्यक्रममा बाम गठबन्धन नेपालका बामपन्थीका साथै नेपालको आवश्यकतालाई ध्यान दिँँदै निमार्ण गरेको र बिदेशीको इशारामा नबनेको बताउनु भयो । उहाँले निर्वाचनलाई लक्षित गरेर बनेको बाम गठबन्धमा आवद्ध भएका राजनीति दलले आआफ्नो चुनाव चिन्ह लियर चुनवमा जान सक्ने समेत प्रष्टाउनु भयो ।
वर्तमान सरकारको जिम्मेवारी जसरी पनि निर्वाचन सम्पन्न गर्ने रहेकाले आफ्नो पाटीले निर्वाचन अघि सरकार नछाडेने बताउनुभयो । तोकिएकै समयमा निर्वाचन सम्पन्न हुने बताउँदै उहाँले बाम गठबन्धनमा निर्वाचन क्षेत्रका बिषयलाई लिएर बाहिर आएको हल्ला जस्तो नभइ छलफल जारी रहेको बताउनुभयो । उहाँले निर्वाचन नजिकिँदै गर्दा सुरक्षा अवस्थाका बारे उठेका प्रश्नमा सरकारले पूर्णरुपमा सुरक्षा प्रदान गर्न सफल समेत रहेको बताउनु भयो ।
उहाँले बामपन्थी र पजातान्त्रिक शक्ति दुई पक्षमात्र हुने भन्दै अवको निर्वाचनमा बाम गठबन्धनले दुई तिहाई मत ल्याएर देशलाई आर्थिक सम्बृद्धि र स्थिर सरकार बन्ने बताउनु भयो । आफ्नो पाटीले बिगतदेखि नै प्रत्यक्ष कार्यकारी राष्ट्रपतिको बिषयमा आवाज उठाउँदै आएको र निर्वाचन पश्चात दुइ तिहाई मत प्राप्तसँगै त्यसले समेत पूणता पाउने बताउनु भयो । बर्तमान सरकार नेपालका दुई छिमेकीसँग सफल कुटनीतिक पाटो निर्वाह गरिरहेको समेत उहाँले प्रष्टाउनु भयो । केही दिनअघि राजधानीमा भएको हत्या प्रकरण निन्दनीय भएको बताउनुभयो ।
