राजाको अभिव्यक्तिको मार्मिकतालाइ मनन गर्दै राष्ट्रियता र राष्ट्रवादका लागि एक भएर उठ्न महासंघको आव्हान
काठमाडौ कार्तिक ६ , विश्व हिन्दू महासंघका अन्र्तराष्ट्रियले आज एक विज्ञप्ति जारी गर्दै पूर्व राजा ज्ञानेन्द्र शाहले गत शनिबार दिएको वक्तव्यको स्वागत गर्दै पूर्व राजाको उक्त अभिव्यक्ति मुलुकको राजनिती अनुकल एवम् समयसापेक्ष भएको जनाएको छ । महासंघका अध्यक्ष तथा मानार्थ शाही पाश्वती जनरल भरत केशर सिंहद्दारा जारी उक्त विज्ञप्तिमा मुलुकको नेतृत्वविहीन अवस्था राजनैतिक खिचातानी र बढ्दो भष्टाचार संगै हत्या हिंसा जस्ता यावत अराजकताको पराकाष्ठाका कारण मुलुक जर्जर भएको अवस्थामा राजाबाट
अभिव्यक्त अभिव्यक्ति आम राष्ट्रवादी नेपालीको लागि सञ्जिवनी बुटी सावित भएको उल्लेख गरिएको छ ।
त्यस्तै निहित स्वार्थका लागि धर्म संस्कृति परम्परागत मूल्य मान्यतालाइ समाप्त पार्दै राष्ट्रिय स्वाधिनतानै खतरामा परेको अवस्थामा हिन्दू सम्राट श्री ५ ज्ञानेन्द्रबाट वक्स भएको अभिव्यक्तिको मार्मिकतालाइ मनन गर्दै राष्ट्रियता र राष्ट्रवादका लागि जनताहरु एक भएर उठ्न महासंघको तर्फबाट आव्हान समेत गरिएको छ । साथै विज्ञप्तिमा वडा महाराजधिराज पृथ्वीनारायण शाहको अथक प्रयासबाट एकिकरण भएको मुलुकलाइ सवल र सक्षम बनाउँदै मुलुक र मुलुकको अस्मितालाए अक्षुण राख्न एकजुट हुँदै अगाडि बढ्नुको अव विकल्प नभएको समेत जिकिर गरिएको छ ।
स्मरण रहोस: गत शनिवार पूर्व राजा शाहले जनताले चाहेको खण्डमा आफू मुलुकको नेतृत्व लिन तयार रहेको भन्ने अभिव्यक्ति दिनु भएको थियो ।
